Шығармашылық байқау жеңімпаздары

«Қазақстан балалары шексіз әлемде!» атты республикалық балалар киносы байқауының облыстық кезеңі өтіп, оған Амангелді ауданынан қатысқан 5 оқушы жеңімпаз атанып, 3 оқушы республикалық кезеңге жолдама алды.

Амангелді аудандық білім бөлімінің басшысы Мұрат Дихамбаев байқау жеңімпаздарымен кездесу өткізіп, шығармашыл жастарды жетістігімен құттықтап, Қостанай облыстық білім басқармасының арнайы дипломдары мен ақшалай сыйлықтарын табыс етті.

«Қазақстан балалары шексіз әлемде!» балалар киносы байқауының облыстық кезеңінің жеңімпаздарын атап айтар болсақ. «Үздік кино» аталымында 1-орынды Б.Қолдасбаев атындағы ЖББ мектебінің оқушысы Ажар Тойшыбек, «Музыкалық клип» аталымы бойынша 1-орынды Амангелді ЖББ мектебінің оқушысы Назерке Есетова, «Телевизиялық сюжет» аталымында 3-орынды Амангелді ЖББ мектебінің оқушысы Саяжан Азаматқызы, «Киножурнал» аталымы бойынша 1-орынды «Шұғыла» балалар мен жасөспірімдер шығармашылық орталығының оқушысы Іңкәр Күмісбай, «Ғылыми кино» аталымында 2-орынды жоғарыда аталған шығармашылық орталықтың оқушысы Ғибрат Мендібаев иеленді.

Марапат оқушылардың жетекшілері – «Шұғыла» балалар мен жасөспірімдер шығармашылық орталығының қосымша білім беру педагогі Жұмабеков Анет Мұратбекұлына, Амангелді ЖББ мектебінің орыс тілі мен әдебиеті пәнінің мұғалімі Ағажанова Раушан Амангелдіқызына, Б.Қолдасбаев атындағы ЖББ мектептің қазақ тілі мен әдебиеті пәнінің мұғалімі Амантаева Айзада Амангелдіқызына, Амангелді ЖББ мектебінің музыка пәнінің мұғалімі Ержігітова Айтгүл Сабырқызына да табысталды. «Шәкіртінің жеңісі – ұстазының жемісі» демекші, талантты жастар мен олардың жетекшілерін жеңісімен құттықтаймыз!

Нұрсұлу
МИРАМБЕКҚЫЗЫ,
«Шұғыла» балалар мен
жасөспірімдер шығармашылық
орталығының педагогі,
Амангелді ауданы