Спортты дамыту – мақсат

Рудный қаласындағы Б.Майлин атындағы №7 мектеп-гимназиясында тәуелсіздіктің 30 жылдығына орай мектебіміздің 6-7 сынып оқушылары арасында баскетбол ойынынан жарыс өткізілді.

Әлемдік пандемияға байланысты біраз уақыт бойы оқушылардың жарыс арқылы спортқа деген талпыныстары, құлшыныстары азайып қалған болатын. Бірақ осы өткізілген «Баскетбол» жарысының септігінен оқушылардың қызығушылықтарын оятып, ынталандыра алдық деп ойлаймын. Тартысты әрі қызықты ойынға барлығы 6 команда қатысты. Жарысымыз бекітілген ережеге сай өткізіліп, алдымызға қойылған міндеттерімізге толықтай қол жеткіздік.

Нәтижесінде 1-орынға – 6 «Б» (ұлдар), 7 «А» (қыздар) сыныптарының топтары, 2-орынға – 7 «А» (ұлдар), 7 «Ә» (қыздар) сыныптарының топтары, ал 3-орынға – 6 «А» (ұлдар), 7 «Б» (қыздар) сыныптарының топтары ие болды. Әрбір командалар мақтау қағаздарымен марапатталған болатын. Оқушыларымыз Асылжан Дауренбеков және Нұрдаулет Жаңбырбай осы баскетбол спорттық ойынынан қалалық және облыстық жарыстарға қатысып, мектебіміздің намысын қорғап жүр. Алдағы уақытта қолдан келгенше оқушылардың арасында көптеген қызықты әрі ерекше жарыс түрлерін өткіземіз деп сенемін.
Шыңғыс КАЖИКОВ,

Б.Майлин атындағы
№7 мектеп-гимназияның
дене шынықтыру
пәнінің мұғалімі,
Рудный қаласы