Учительская плюс

Областная еженедельная общественная информационно-образовательная газета
Календарь
07/02/23 Вторник

Тағылымға толы экскурсия

Выпуск - №36 (483)   :   20.09.2021
32

Қостанай қаласындағы А.С. Пушкин атындағы қалалық балалар кітапханасы Қостанай облысының Ы.Алтынсарин мемориалдық мұражайына 30 жыл толуына орай «Кел, балалар, оқылық!» экскурсиясын ұйымдастырды.

Атылмыш экскурсияға Ғ.Қайырбеков атындағы №9 жалпы білім беретін мектептің 5 «А» сынып оқушылары қатысты. Мұражай қызметкерлері оқушыларға ұстаздың өмірбаяны мен атқарған қызметтері жайлы ақпарат беріп, мұражайдағы өте құнды жәдігерлер жинақталған бай мұрамен таныстырды. Қазіргі уақытта мұражай «Музей тарихы», «Ы.Алтынсарин – ұлы ұстаз», «Ы.Алтынсарин – Қазақстанда халық ағарту ісінің негізін қалаушы», «Ы.Алтынсариннің мемориалдық сыныбы» және «Ы.Алтынсарин және оның айналасындағы адамдар» іспетті 5 экспозициялық залдардан тұратынын көрсетіп өтті. Одан бөлек мұражайдың қоры көрнекті ақын-жазушылар, мәдениет қайраткерлері, ғалымдар, ағартушы-ұстаздар туралы қызықты материалдар және заттармен толықтырылғаны жайында айтып берді.

Балалар асыл ордаға аяқ басып кіргеннен бастап, қаншама дүниелермен таныс болды. Олардың қатарында сирек кездесетін кітаптар, архив материалдарының көшірмелері, фотосуреттер, құжаттар мен жазушының өзі және отбасы тұтынған заттары да бар. Сондай-ақ ағартушы тұлғасын бейнелейтін өнер туындылары, суреттер мен мүсіндер ерекше орын алған. Мұражай қызметкері әңгімелеу барысында қордағы әр жәдігердің өзіндік бай тарихы бар екенін айтып, қысқаша тоқталып та өтті. Оқушылар мұражайдағы әр жәдігерге мұқият назар аударып, сөз арасында пікірлерімен бөлісіп, ұмытылмастай әсер алып тарқасты. Экскурсия соңында мұражай қызметкерлеріне уақыт бөліп, ақпарат бергендері үшін алғысымызды білдірдік.


Р.Амирханова,
А.Утебаева,
А.С. Пушкин атындағы қалалық
балалар кітапханасының
қызметкерлері,
Қостанай қаласы

Реклама