Халықаралық деңгейде үздік

Выпуск - №48(495) : 12.12.2021

130

Үстіміздегі жылдың қараша айында Өскемен қаласында жалпы білім беретін пәндер бойынша оқушылардың халықаралық ғылыми жобалар байқауына Науырзым ауданындағы Докучаев жалпы білім беретін мектебінің 8-сынып оқушысы Данара Валиева қатысты.

Ол «Ыбырай атамның шығармаларының тәрбиелік мәні» атты жобасын ұсынып, халықаралық ғылыми жоба өткізу нәтижесінде Ыбырай Алтынсарин шығармаларын дәріптеп, насихаттай білді және өте жақсы деген бағамен қорғап шықты. Аталмыш халықаралық деңгейдегі байқауға Қазақстан, Ресей, Қырғыстан елдерінің білім алушылары өз жұмыстарын ұстынғанын атап өткен жөн.

«Ingenious Project-2021» халықаралық ғылыми жобалар байқауына жолдама бойынша 102 жұмыс келіп түсті, алайда конкурс комиссиясы барлық жұмыстарды қарап шыққаннан кейін, 75 жұмысты үздік деп анықтады. Үздік деп танылған 75 жұмыстың біреуі Данараның қанжығасына байланды. Докучаев жалпы білім беретін мектебінің 8-сынып оқушысы Данара Валиева І орын иегері атанды. Ұлт ұстазы салған сара жол, ұстаздықты жүрек қалауымен таңдаған жастарымыз барда, жалғасын таба бермек.

Люба ОРАЗОВА,
Докучаев ЖББМ
қазақ тілі мен әдебиеті
пәнінің мұғалімі,
Алтынсарин ауданы