«Зерде»: шәкірттеріміз республикалық кезеңде

Выпуск - №45(593) : 07.12.2023

424

Қараша айының 10-ында, ҚР Оқу-ағарту министрлігінің «Дарын» республикалық ғылыми-практикалық opталығының ұйымдастыруымен, 2-7 сынып оқушылары арасында «Зерде» республикалық зерттеу жобалары байқауының облыстық кезеңі өтті.

Бұл байқау балалардың зерттеу қызметінің дағдыларын дамыту, кіші және орта жастағы мектеп оқушыларының интеллектуалдық-шығармашылық әлеуетін ынталандыру мақсатында қолға алынған. Осы байқаудың облыстық кезеңінде Амангелді ауданындағы Амангелді ЖББ мектебінен 2 оқушы қатысты. Олар: 4-сынып оқушысы Аяулым Арғынғазы, жетекшісі – Қарлығаш Ауезбекова және 7-сынып оқушысы Аруна Дауитбаева, жетекшісі – Бақыткүл Уатқанова.

Осы байқауға қатысқан оқушыларымыз облыстық кезеңде тың тақырыптағы ғылыми зерттеу жоба жұмыстарын жоғары деңгейде қорғап, Бас жүлдені иеленіп, «Зерде» республикалық зерттеу жобалары байқауының республикалық кезеңіне жолдама алды. Облыстық деңгейде осындай үлкен жетістікке жете білген шәкірттеріміз бен олардың жетекшілерін ұжым атынан шын жүректен құттықтаймыз! Ұстаз еңбегі шәкірт шығармашылығымен еселене берсін!

Камшат АБДИКОВА,
Амангелді ЖББМ
директордың ғылыми-
әдістемелік жұмыстар
жөніндегі орынбасары