Жас зерттеушілер

Выпуск - №45 (542) : 20.11.2022

330

Жақында Қостанай қаласындағы №18 мектептің базасында «Зерде» республикалық ғылыми жобалар байқауының облыстық кезеңі өтті. Оған 2-7 сыныптардың жас зерттеушілері қатысты.

Аталмыш ғылыми жобалар байқауы дарынды және талантты жас зерттеушілерді іріктеу мен қолдау және еліміздің зияткерлік әлеуетін қалыптастыру мақсатында жыл сайын өткізіледі. Байқаудың облыстық кезеңіне Алтынсарин ауданындағы Мәриям Хәкімжанова атындағы Щербаков жалпы білім беретін мектебінен үш оқушы қатысты.

Мектебіміздің 7-сынып оқушысы Ринат Алтенгоф «Өз қолымен жасалған экологиялық тіс пастасын зерттеу және оның тістерді ағартуға әсері» тақырыбындағы ғылыми жобамен (ғылыми жетекшісі: А.К. Кудабаева) және 2-сынып оқушылары Дарья Евсеева мен Дидар Мұхамеджанов «Шөлдің наны – құрма» тақырыбындағы жобасымен 2-орынды иеленді (ғылыми жетекшісі: Г.А. Қуанышқалиева). Оқушылар дипломдармен және сертификаттармен марапатталды.

Альмира КУДАБАЕВА,
М.Хәкімжанова атындағы
Щербаков ЖББМ
химия пәнінің мұғалімі,
Алтынсарин ауданы