Жеңіске деген жігер сыналды

Арқалық қаласындағы Абай Құнанбаев атындағы мектеп-гимназияда «Денсаулық күні-2025» қарсаңында мектеп оқушылары арасында жеңіл атлетика жарысы өтті. Жарысқа 5-6, 7-8 және 9–11-сыныптардан барлығы 100 оқушы қатысты.

Нәтижесінде шеберліктерімен ерекшеленген оқушылар жүлделі орындарға ие болды. Атап өтер болсақ, 5–6-сыныптың қыздары арасында І орынды Алтыншоқ Бауыржан жеңіп алса, ІІ орынға Аружан Русланқызы, ІІІ орынға Калима Сапарғали, IV орынға Айда Бақытбекқызы ие болды. Ал ұлдары арасында жүлделі І орынды Мадияр Нұрлан иеленсе, ІІ тұғырға Нұрдәулет Болат, ІІІ тұғырға Нұрислам Аяпберген, IV тұғырға Данияр Қаби тұрақтады.
Келесі 7–8-сыныптың қыздары арасында І орынға Шарафат Оразбекова ие болса, ІІ орынды Жайдары Қайрат, ІІІ орынды Аяулым Өмірбай, IV орынды Айару Дәулеткерей еншіледі. Ал ұлдары арасында І орынды Ислам Нұрсейіт қанжығаласа, ІІ орынға Арман Мұқыш, ІІІ орынға Әбілмансұр Сағындық, IV орынға Нұрсұлтан Айтжан лайық деп танылды.
Сондай-ақ 9–11-сыныптың қыздары арасында І орынды Айханым Едірес иеленсе, ІІ орын Даяна Дарханқызына бұйырды. Ал ұлдары арасында І орынды Айбатыр Кішкентай, ІІ орынды Димаш Ондасын, ІІІ орынды Әділет Серік қанжығасына байлады. Жеңімпаздар мақтау қағаздарымен және медальдармен марапатталды. Ал үздік нәтиже көрсеткен спортшылар қалалық мектеп оқушылары арасындағы жеңіл атлетика жарысына жолдама алды.

Наурыз ОРАЗБАЕВ,
Мақсұтбек МАНЕТОВ,
Болат АРҒЫНБЕКОВ,
А.Құнанбаев атындағы мектеп-гимназияның
дене шынықтыру пәнінің мұғалімдері,
Арқалық қаласы