Рудный қаласындағы №13 жалпы білім беретін мектебінде 7-9 сынып оқушылары арасында «Жігіт сұлтаны-2022» шығармашылық байқауы өткізілді.
Байқау жас жігіттердің бойында еліміздің мәдениетіне сүйіспеншілігін арттыру, рухани-танымдық және патриоттық тәрбие беру, халқымыздың ұлттық салт-дәстүрін, әдет-ғұрыпын насихаттау, сондай-ақ жастардың біліктілігі мен шеберлігін салыстыруды көздеді. «Сегіз қырлы, бір сырлы жігітті» анықтау мақсатындағы сайысқа Абдулғани Нурышбеков, Жанарыс Орынбеков, Дінмұхаммед Берикбай, Дулат Нуржанов, Ербол Садыллаев қатысты.
Байқау 3 бағдарламадан құралды. Біріншісі – «Жеті атасын білген ер, жеті жұрттың қамын жер» атты өзін-өзі таныстыру кезеңі, екіншісі – «Білімді жүзден озар...» атты қойылған сұрақтарға жауап беру сайысы және үшіншісі – «Өнерім – өмірім» атты өз өнерлерін көрсету кезеңі. Ал қатысушыларға мектебіміздің ұстаздары әділ төрелігін жүргізді.
Тартысты өткен байқаудың нәтижесінде Бас жүлдеге лайық деп танылып, «Жігіт сұлтаны-2022» атағына Дулат Нуржанов ие болды. Ал барлық қатысушылар мадақтау қағазымен марапатталды. Жігіттеріміздің сыналған шақта сүрінбей, биік белестерді бағындыра беруіне тілектеспіз.
Алмагүл ЖАНАБАЕВА,
№13 ЖББМ директордың
тәрбие ісі жөніндегі
орынбасары,
Рудный қаласы
Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать.