Аймақтық шеберлік сынып

Выпуск - №49(546) : 17.12.2022

746

Амангелді ауданындағы Әнуар Боранбаев атындағы мектепте «Шұғыла» балалар мен жасөспірімдер шығармашылық орталығының ұйымдастыруымен қосымша білім беру педагогтері арасында аймақтық шеберлік сынып өтті.

Іс-шараға Арқалық қаласы және Амангелді, Жангелдин ауданының ұстаздары қатысты. Арқалық қаласы білім бөлімінің мектепаралық оқу-өндірістік комбинатының көркем еңбек пәнінің мұғалімі Рысгүл Мұқатайқызы «Қазақтың ұлттық сәндік-қолданбалы бұйымы» тақырыбында шебер-сынып өткізді. Аталмыш шеберлік сынып барысында қатысушылар топтық деңгейде жұмыс істеп, ши тоқу, өру, бекіту тәсілдері бойынша тәжірибе алмасты.

Сонымен қатар «Шұғыла» шығармашылық орталығының қосымша білім беру педагогі Нұрсұлу Мейрамбекқызы «Қолөнер бағытында қолданылатын әдіс-тәсілдер» тақырыбында өзінің іс-тәжірибесімен бөлісті. Шебер-сыныпқа қатысқан педагогтер түрлі-түсті жүннен алма ағашын дайындау технологиясы бойынша топтық жұмыс істеді. Іс-шара қатынасушылары да өздерінің сабақ барысында қолданатын үздік тәжірибелерін ортаға салып, қолөнер үйірмелері, еңбек сабақтарында пайдаланатын озық әдіс-тәсілдерімен бөлісті.

Әнет ЖҰМАБЕК,
«Шұғыла» БЖШО
көркемдік жетекшісі,
Амангелді ауданы