Учительская плюс
Областная еженедельная общественная информационно-образовательная газета
Календарь
07/08/26 Пятница
Заманның талабына сай жан-жақты, кез келген ақпаратқа сын көзбен қарап, өз ойын ашық айта алатын саналы ұрпақты тәрбиелеу мақсатында Қостанай қаласындағы С.Мәуленов атындағы гимназияның қабырғасында «Өркениет» дебат клубы жұмыс істеп келеді.
«Білекті – бірді, білімді – мыңды жығады» демекші, қазіргі заман – білімділер заманы. Ал қазіргі ақпараттық қоғамда бәсекеге қабілеттілікті арттырып, сананың көкжиегін кеңейтетін, жастарды көшбасшылыққа жетелейтін бірден-бір құрал – дебат. «Адамды даңққа бөлейтiн екi қасиеттi өнер бар: бiрi – қолбасылық, екiншiсi – шешендiк», – деп ежелгі Рим жазушысы әрі шешені Марк Цицерон айтқандай, жеке пікірді жеткізе білу де үлкен өнер.
Жастардың жан-жақты дамуы үшін пікірсайыс өте қажет. Пікірсайыс арқылы біз кез келген тақырыпты еркін игеріп, өзіндік ой-пікірді шешендік қабілет арқылы көпшілікке жеткізе аламыз. Осындай өзектілік пен қажеттіліктің негізінде елімізде «Дебат қозғалысына» ерекше ден қойылып отыр. Жоғарыда атап өткен мақсаттар негізге алына отырып жоспар бойынша «Интернетке қарағанда теледидардың қоғамға әсері көбірек», «БП тәуелсіздіктен кейінгі жоғарғы жетістіктерді атайды», «БП экологиялық проблемаларды шешудің тиімді механизмін ұсынады» және т.б. көптеген қызықты әрі өзекті мәселелер төңірегінде мектепішілік турнирлер өткізілді.
Біздің дебат клубымыздың жетістіктері де аз емес. Қалалық, облыстық додалардан орын алып, клуб мүшелері өздерінің білімділігі мен алғырлығын анық көрсете алды. Клубымыздың кейінгі жас пікірсайысшыларға үлгі болатындай жүлдегерлеріміз – 11 «А» сынып оқушысы Нұрлыхан Абдрахман мен 10 «Ә» сынып оқушысы Гүлдана Борамбаеваны (суретте) ерекше атап өткім келеді. Дебат – ойын жүйелі, қысқа да нақты жеткізуге үйрететін, өмірге, қоршаған ортаға сыни көзбен қарап, жан-жақты білімді кеңейтуге және оның дамуына үлес қосуға итермелейтін күш.
Дәуіржан МАТЫҒҰЛОВ,
С.Мәуленов гимназиясы
құқық негіздері пәнінің
мұғалімі, «Өркениет» дебат
клубының жетекшісі,
Қостанай қаласы
Мир, в котором живет человек, зависит прежде всего от того, как его данный человек понимает, а следовательно, от свойств его мозга: сообразно с последним мир оказывается то бедным, скучным и пошлым, то наоборот, богатым, полным интереса и величия.
Умный человек и в одиночестве найдёт отличное развлечение в своих мыслях и воображении, тогда как даже беспрерывная смена собеседников, спектаклей, поездок и увеселений не оградит тупицу от терзающей его скуки.
Учитель – это светоч нации. Ежедневным кропотливым трудом каждый из вас вносит неоценимый вклад в развитие страны. Вы сеете семена знаний в молодые сердца и растите мыслящую нацию. Ибрай Алтынсарин говорил: «Превыше всего я ценю хорошего учителя». Педагог – ключевая фигура в построении будущего страны, поэтому ему должно быть отведено достойное место в обществе.
