Болашақтың ұтқыр ойлы ұрпағы

Тұңғыш Президент күніне орай «Шұғыла» балалар мен жасөспірімдер шығармашылық орталығында «Шахмат» үйірмесінің жетекшісі Ғанибек Мәденовтың ұйымдастыруымен «Болашақтың ұтқыр ойлы ұрпағы» атты шахматтан турнир өтті. 

Іс-шара оқушылардың шахмат ойынына деген қызығушылығын арттыру, логикалық ойлау қабілеттерін дамыту, зейінділікті дамытуға ,әр алуан варианттарды жылдам әрі дәл есептей білуге, жеңіске жетуге деген ерік-жігерді қалыптастыруға және басқа да моральдік қасиеттерге тәрбиелеу мақсатында ұйымдастырылған болатын.

Шахмат турниріне 2007-2014 жылы туған әр мектептен 2 оқушыдан қатынасты. Шахмат жарысы 2 тақтада өтті. Нәтижесінде бірінші тақтадан 1-орынды Жаңа ауыл жалпы білім беретін орта мектебінің оқушысы Ибрахим Фазыл, 2-орынды Ы.Алтынсарин атындағы жалпы білім беретін орта мектебінің оқушысы Ғинаят Бейсенбаев, 3-орынды Ә.Боранбаев атындағы жалпы білім беретін орта мектебінің оқушысы Абылайхан Қалиден иеленді.

Екінші тақтадан 1-орынды Ы.Алтынсарин атындағы жалпы білім беретін орта мектебінің оқушысы Жанболат Қадыр, 2-орынды Жаңа ауыл жалпы білім беретін орта мектебінің оқушысы Айтолқын Олжабекова, 3-орынды Амангелді жалпы білім беретін ората мектебінің оқушысы Жантөреге Жұмағазин бұйырды.

Ең жас ойыншы Ә.Боранбаев атындағы жалпы білім беретін орта мектебінің оқушысы Тимур Хайролла атанды. Командалық жарыс бойынша 1-орын Жаңа ауыл, 2-орын Ы.Алтынсарин, 3-орын Ә.Боранбаев атындағы орта мектептері иеленді.

Әнет ЖҰМАБЕК,
Амангелді ауданы