Бурабай жеріне саяхат

Выпуск - №32-33 (529-530) : 25.08.2022

613

«2022 жыл – Балалар жылы» аясында Қарабалық ауданындағы Максим Горький атындағы жалпы орта мектебінің оқушылары «Қазақстанның інжу-маржаны» Щучье Бурабай курортына бір күндік экскурсия жасады.

Балалар осынау ғажайып Көкше жеріндегі Бурабайдың тау-тасы да, көлі де, жазық даласы да, тамаша табиғаттың қойнауында бұғып жатқан ертегілер мен аңыздарға толы, қайталанбас табиғатын және ең таза ауасын бағалай білді. Көгілдір шығанақтың таңғажайып көрінісі болып ашылатын Бөлектау тауына экскурсиядан эмоциялар мен әсерлері қалды.

Тағылымға толы кереметтей саяхат аясында балалар таңғажайып Жұмбастастың бейнесі сұлу қыздың көрінісіне немесе кемпірдің түріне ұқсайтынын өз көздерімен көрді. Абылайханның ежелден сақталып қалған киелі тағын айналып, тілектерін айтты. Оқжетпес шыңы мен Абылай ханның жайлауына қайталанбас серуен балалардың жүрегінде мәңгі сақталады.

Кенжегүл АБИЛОВА,
М.Горький атындағы
ЖББМ қазақ тілі мен
әдебиеті пәнінің мұғалімі,
Қарабалық ауданы