Қиын болса, қоңырау шал

Выпуск - №44(440) : 10.11.2020

745

Бүйректал орта мектебінде қазан айының 19-23 аралығында Қостанай облысының Психологиялық қолдау және қосымша білім беру өңірлік орталығы ұсынған мәліметтерді түсіндіру үшін акция ұйымдастырылды.

Акция мақсаты – мектептегі барлық оқушылар мен олардың ата-аналарының психологиялық сауаттылығын арттыру. Орталық ұсынған визикалар мен буклет жадынамалар арқылы ата-аналар мен білім алушыларға консультациялық психологиялық көмек пен күрделі мәселені шешуге жәрдемдесетін, құқықтық көмек көрсететін мәліметтермен танысты. Жалпы мектеп бойынша өткізілген акция «Егер қиын болса...» деген атаумен жүзеге асырылды.

Іс-шара WhatsApp желісі арқылы ақпараттандыру түрінде, жеке Instagram парақшаларында және сайттарға жүктеліп, таныстырылды. Оқушыларға сынып бөлмелерінде санитарлық талаптарды сақтай отырып, түсіндіру жұмыстары жүргізіліп, визиткалар таратылды. Ата-аналар мен педагогтерге Facebook желісіне де жадынамалар жарияланып, ұсынылды.
Өткізілген шаралардан бейнеролик дайындалып, әлеуметтік желілерге салынды. Балалар мен ата-аналарға тәулік бойы сенім телефондары жұмыс істейтіндігі, оның кеңес не болмаса көмек алу үшін таптырмас мүмкіндік екендігі айтылды. Шара соңында пікірін білдіріп, кері байланыс жасаған тараптар да болды. Акция маңызды және пайдалы болар ақпарат берді деп сенемін.