Өңірде баламасы жоқ «IQOSTANAY» ордасы

Выпуск - №45(593) : 07.12.2023

881

Қостанайда «IQOSTANAY» оқушылар сарайының ресми түрде ашылғанына көп бола қойған жоқ. Заманауи үлгідегі тәлім-білім ордасы өңірде баламасы жоқ әлеуметтік ғимарат ретінде бағаланып отыр.

Оқушылардың қабілетін шыңдап, белсенділігін арттыруға жол ашар тәлім-білім ордасының тыныс-тіршілігімен таныстыру үшін мектеп оқушыларын «IQOSTANAY» оқушылар сарайына экскурсияға апарып келдік. Осы сапардан кейін оқушыларымыздың жаңадан ашылған қосымша білім беру ордасына деген қызығушылықтары артуда. Бұл орда екі тілде және екі ауысымда жұмыс атқарады. Директордың оқу-тәрбие жөніндегі орынбасары Наталья Николаевнаның сөзінше, қала оқушылары үшін тәлім-білім орталығы бар күш-жігерін жұмылдырмақ.

Отандық білім беру – орталықтарға бару арқылы іске асырылатыны белгілі. Сан салалы қосымша білім беру орталығы – Қостанайдағы жаңа нысандардың бірегейі. «IQOSTANAY» оқушылар сарайында балалардың жан-жақты дамып-жетіліп, білім-ғылым меңгеруіне үлкен мүмкіндіктер жасалған. Алдағы уақытта үйірмелерде шәкірттеріміздің білімін шыңдайтын түрлі деңгейдегі сайыстар, ауқымды байқаулар да ұйымдастырылатынына сенімдіміз.

Жаслан БЕКЕНТАЕВ,
Абай атындағы ЖББМ
қазақ тілі мен әдебиеті
пәнінің мұғалімі,
Қостанай қаласы