Өмір – қуаныш, өмір – мереке

«Жас Ұлан» балалар мен жасөспірімдер орталығында ұжым мұғалімдерінің ұйымдастыруымен психологиялық есепте тұрған оқушылармен «Өмір – бұл қуаныш», «Өмір – бұл мереке» атты мерекелік іс-шара болып өтті.

Іс-шараның негізгі мақсаты: балалардың бос уақытын тиімді пайдалану, өмірге деген құштарлықтарын арттыру болып саналды. Барлығы: 35 оқушы ат салысты. Іс-шараның басында оқушыларды екі фиксик достарымыз қарсы алды. Балалар Мася мен Папус-қа ілесіп бидің қимылдарын қайталап, сергіту сәттерін жасады. Фиксиктардың соңынан сиқыршы пайда болып, балалармен ойнап, жұмбақтар жасырды. Қатысушы барлық балаларға түрлі-түсті белгі қағаздарын таратып, балаларды түстер арқылы топтарға бөліп берді.

Бөлінген топтар, ең алдымен, төрт шумақты өлең құрастырып, содан кейін балаларға арналған мерекелік дастарханға жайғасты. Іс-шара барысында шуылдаспақтар айтылды. Қолтырауын ойыны ойнатылды. Мында әр топтан бір оқушы шығып, қағазда жазылған сөзді ым-ишара арқылы өзге топ мүшелеріне түсіндіруі тиіс болды. Бірінші болған және барлық сөздерді тапқан топқа белгі қағазы беріліп отырды. Екінші ойын «Көңілді орындық» деп аталды. Бұл ойынның шарты бойынша 6 оқушы ойын алаңына шығады, және 5 орындық қойылады. Оқушылар қойылған музыканың ырғағына билейді де, музыка тоқтаған сәтте орындыққа жайғасуы тиіс. Болды жеңімпаз оқушының тобына белгі қағазы берілді.

Бұл ойында: Янна есімді балақай жеңімпаз атанып, қанжығасына 3 белгі қағазын байлады. Іс-шара барысында, көңілді әуендер ойнап, билер биленіп, қазіргі таңдағы хит болған Тик-Токтағы трендтерді биледі. Іс-шара қорытынды бойынша: топтардың жинаған белгі қағазын санап, оқушыларды белсенділіктері үшін марапаттау қағаздары мен және ынталандыру сыйлықтары берілді.

Жансая
АЙТМУХАНҚЫЗЫ,
қосымша білім
беру педагогі,
Арқалық қаласы