«Өз қолымнан жасаған мультфильмім»

Выпуск - №19(466)   :   20.05.2021
268

Дәл осындай тақырып аясында «Қостанай дарыны» өңірлік ғылыми-практикалық орталығының ұйымдастыруымен облыстық сырттай байқау болып өтті.

Анимация құралдары арқылы балалардың шығармашылық қабілеттерін дамыту мақсатында ұйымдастырылған байқауға Қостанай облысының жалпы білім беретін мектептерінің 7-8 сынып оқушылары қатысты.
Қиялдан туындаған мультфильмдер арқылы балаларды қызықтырып, көздің жауын алатын таңғажайып туындыларды жасайтын адам – суретші-мультипликатор. Болашақ мультфильм кейіпкерлері солар салған суреттермен жанданады. Ол, әрине, оңайлықпен жасала салатын жұмыс емес. Себебі мультипликатор маман кейіпкерлердің қимыл-қозғалыстарын қиыннан қиыстырып, көптеген суреттерден құрастырады. Он минуттық мультфильм үшін жобамен 115 мың сурет керек екен. Сондықтан да оны өте күрделі жұмыс деп бағалауға негіз бар. Сондай-ақ ол бір адамның ғана қолынан келе қоятын іс емес. Қазіргі уақыт талабына сай заманауи құрылғылар арқылы сан түрлі мультфильмдер түсірілуде.
Атаулы байқауға «Шұғыла» балалар мен жасөспірімдер шығармашылық орталығының «Балақай» қуыршақтар үйірмесінің оқушысы Ғибрат Меңдібаев «Үйшік» мультфильмін жасап, қатысты. «Үйшік» ертегісі қойылым желісі арқылы балаларды достыққа, ұйымшылдыққа, кешірімділік пен кішіпейілділікке тәрбиелеуге шақырады. Жалпы мультфильм көлеңкелі қуыршақтар арқылы түсірілгенін айта кеткен ләзім. Тартысты сайыс нәтижесінде ол жүлделі II орынды иеленді. Ал шәкіртін сапалы дайындағаны үшін жетекшісі Әнет Жұмабек Алғыс хатпен марапатталды. Жеңімпазды жеңісімен құттықтаймыз!

Еркінғазы АЙТБАЕВ,
«Шұғыла» балалар мен жасөспірімдер
шығармашылық орталығы
«Жас тұлпар» ақындар
үйірмесінің жетекшісі,
Амангелді ауданы

 

Реклама

Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать. 

"К педагогическому делу надо призывать, как к делу морскому, медицинскому или тому подобным, не тех, которые стремятся только обеспечить свою жизнь, а тех, которые чувствуют к этому делу и к науке сознательное призвание и предчувствуют в нём своё удовлетворение, понимая общую народную надобность".