Тағылымға толы апталық

Тәрбие – қоғамның маңызды құндылықтарының бірі. «Біртұтас тәрбие» бағдарламасын насихаттау мақсатында Арқалық қаласындағы Қосымша білім беру орталығында «Біртұтас тәрбие – ұлттық құндылықтар бастауы» тақырыбында тәрбие апталығы өтті.

Бұл апталық оқушылардың ұлттық құндылықтарға деген құрметін арттырып, оларды өз мәдениетімізді, тарихымызды бағалауға тәрбиелеу мақсатын көздеді. Апталықтың ашылуында орталығымыздың өнерлі оқушылары ән айтып, би билеп, өз өнерлерін көрсетті. Іс-шаралар аясында тәрбиелік мәні зор ойындар мен әртүрлі тақырыптар арқылы ұлттық мұра мен салт-дәстүрлерді жаңғыртуға бағытталған бағдарламалар өткізіліп, оқушылардың ұлттық сана-сезімін ояту мақсатында арнайы ойындар ұйымдастырылды.
Ұлттық ойындар мен зияткерлік сайыстар балалардың денсаулығын нығайтып қана қоймай, олардың ұлттық құндылықтарды терең түсінуіне, ойлау қабілеттерінің дамуына зор ықпал етті деген ойдамыз. Қорытындылай келе, тәрбие апталығы оқушылардың ұлттық мәдениетке деген сүйіспеншілігін арттырып, рухани дамуына да өзіндік үлес қосты. Ұлттық құндылықтарымызды ұлықтап қана қоймай, оқушылардың ұлттық ойындар мен зияткерлік сайыстар арқылы білімін арттырып, ұлттық дәстүрлерді насихаттауға бағытталған осындай іс-шаралар алдағы уақытта да жалғасын таба бермек.

Инабат ЖӘМЕЛОВА,
Қосымша білім беру
орталығының педагогі,
Арқалық қаласы