«Толағай» отбасылық сайысы

«Шұғыла» БЖШО дене шынықтыру пәні мұғалімдерінің мұрындық болуымен балалардың бойында қазақстандық патриотизм қалыптастыру және балалар ұйымдарының қызметін жандандыру мақсатында «Толағай» отбасылық сайысы ұйымдастырылды.

Балалар ұйымдары күніне арналған облыстық бырыңғай акциясы аясында өткізілген іс-шара оқушылар мен ата-аналарға адам денсаулығының қымбаттылығын, өмір сүру үшін қажеттілігін, бағалы байлық екенін түсіндіру және сұлу да сымбатты, денсаулығы зор, күшті болу үшін денені шынықтыру, оларға спортпен айналысудың маныздылығын көрсету, адам жанының да, тәнінің де тазаруы, денсаулығының жақсаруы саламатты өмір салтын ұстануға байланысты екенін ұғындыру мақсатында қолға алынған.

Отбасылық дода аясында «Таныстыру», «Шынықсаң шымыр боласың», «Кім жылдам?», «Кенгуру», «Атпен секіру», «Асық ау», «Арқан тартыс» сынды сайыс түрлері өтті. «Спорт – денсаулық кепілі» демекші, «Толағай» спорттық сайысының қортындысы бойынша жүлделі I орынды «Батыр» тобы, II орынды «Жігер» тобы, ал III орынды «Қыран» тобы иеленді. Сайыс қызықты әрі тартысты өтіп, қатысқан әр отбасыға рухани және мәдени мереке сыйлады.

Қазақ танымындағы әке-шеше мен балаға мақал-мәтел мен аңыз-әпсананың бәрі де шаңыраққа ұялаған шаттықты сақтауға үндейді. «Әке – асқар тау, ана – баурайындағы бұлақ, бала – жағасындағы құрақ» деп отбасындағы әр адамның мәртебесін бекітіп, бекемдеп отырған.

Әнет ЖҰМАБЕК,
«Шұғыла» БЖШО
көркемдік жетекшісі,
Амангелді ауданы