Жырдан шашу шашылды

Выпуск - №11 (458) : 22.03.2021

237

Облыс орталығындағы «Строительный» кітапхана-филиалында мерекеге орай «Наурыз – көктем, жыр-думан» атты фольклорлық іс-шара болып өтті. Жиында әннен шашу шашылды, меркеге қатысты деректер айтылды.

Жүргізуші қатысушыларды Наурыз мейрамы және оның пайда болу тарихы, қазақ халқының салт-дәстүрін, ұлттық киімдері мен тағамдарын, ұлттық ойындарын презентация арқылы көрсетті. Мерекеге байланысты арнайы көрме ұйымдастырылды. «Сен білесің бе?» сериясындағы брошюрасында мерекенің шығу тарихы және қазақ салт-дәстүрлері туралы айтылған.
Наурыз мерекесіне арнап №28 орта мектептің 6-сынып оқушысы Дияна және кітапхана оқырманы Наурызбай Әмірхамзин, сонымен қатар «Подруги» ансамбль мүшелері қонаққа келіп, ән-шашуларымен мерекелік бағдарламасын көрсетті. Іс-шара соңында жүргізуші шашу шашып, қатысушыларды Наурыз мерекесімен құттықтады.

Эльмира МИРЗАЛИЕВА,
«Строительный» кітапхана-
филиалының кітапханашысы,
Қостанай қаласы