Ашық есік күні: арманға жасалған қадам

Жуырда Арқалық политехникалық колледжі болашақ абитуриенттерге өз есігін айқара ашты. Ашық есік күні – мектеп оқушылары өз армандарына бір қадам жақындап, «оқуға түссем» деген мақсатпен жүзеге асыру жолдарымен танысты.

Талапкерлер колледжге түсу үшін қажетті әрі маңызды ақпараттармен танысып қана қоймай, біздің білім беру бағдарламамыздың бағытына да хабардар болды. Ашық есік күні – біздің колледжіміз үшін нағыз мереке. Студенттер оқушыларды жылы қарсы алып, олардың барлық сұрақтарына жауап беруге дайын болды. Бұл іс-шараға арнайы бағдарлама құрылды. Іс-шара барысында қызықты концерттік программа, «Мамандық таңдау – табыс көзі» атты көрме, колледж зертханалар мен шеберханаларға саяхат, оқытушылар мен өндірістік оқыту шеберлерімен сұхбаттасу қамтамасыз етілді.

Ең маңыздысы, оқушылар, таңдаған мамандық бойынша кәсіптік тестілеуден өтуге мүмкіндік алды. Сол арқылы таңдаған мамандығы бойынша икемділігін байқады. Бұл болашақ мамандық таңдаудың бірде бір дұрыс жолы. Колледж қызметкерлері мен студенттері талапкерлерге оқу орнына түскеннен кейінгі өмірлері мен оқу орнының тыныс-тіршілігімен таныстырды. Талапкерлерге мазмұнды презентациялар мен колледж туралы бейнероликтер және маман дайындау бағыттары мен білім беру бағдарламалары көрсетілді.

Салтанат АХМЕТОВА,
Арқалық политехникалық
колледжі директорының ТЖ
жөніндегі орынбасары