«Бас шеберге жол»

Выпуск - №7 (454)   :   19.02.2021
272

Арқалық политехникалық колледжінде ІІ курс ПК-26 тобының білім алушыларымен санитарлық талаптарды сақтай отырып «Даяшы» біліктілігі бойынша мақала тақырыбымен аттас сыныптан тыс шарасы өтті.

Интеллектуалды ойын VI кезең бойынша өтіп, әр кезең өзінің қиындығына байланысты сәйкесінше ұпаймен бағаланды. Алғашқы кезең – «Таныстыру». Онда екі команда өздерінің дайындап келген презентациясы немесе бейнеролигін ұсынды. Екінші «Кім ұтқыр» кезеңінде білім алушылардың жылдамдығы басты назарда болып, өткен тақырыптарға сәйкес әр топқа 10 сұрақтан жалпы 20 сұрақ қойылды.

ІІІ кезең – «Науамен жүру». Бұл кезеңде білім алушының науамен асығыстық жасамай, жылдам әрі нақты қозғалуы талап етіледі. Студенттердің теориялық білімін практикамен ұштастыруы қажет болды. Келесі «Төрт сурет – бір ұғым» кезеңінде әр командаға төрт сурет салынған карточка дайындалды. Білім алушылардың логикалық ой ұтқырлығы бірінші орында болып, мағынасын ашып, жасырылған құпия сөзді табулары қажет болды.



Бесінші «Мата майлықтарды бүктеу» кезеңінде 5 минут ішінде қатысушы топтар жылдамдыққа майлықтарды бүктеп, таныстырды, ал алтыншы «Бармен» кезеңінде қатысушы топтардың міндеті – берілген нұсқаулық картаға сәйкес «сүтті бананды» және «фрапучино» алкогольсіз коктейльдерін дайындады. Белгіленген уақыт аралығында екі топ өз алдарына қойылған мақсатқа жетіп, кімнің мықты екені анықталды. Сәйкесінше үздіктер танылып, мадақтамалар берілді.


Нұргүл ӘЛІМЖАН,
Арқалық политехникалық
колледжінің өндірістік
оқыту шебері

 

Реклама