«Цифрлы Қазақстанға» бір қадам

Выпуск - №39 (435) : 02.10.2020

161

Үстіміздегі жылдың сәуір айында Арқалық политехникалық колледжінің «Art_Team-APK» жастар ісі жөніндегі комитет белсенділерінің идеясымен «Біз біргеміз» жобасы құрылған-тын.

Аталмыш жоба Қостанай облысы әкімдігінің Ішкі саясаты тапсырысымен өткен Қостанай облысы оңтүстік өңірінің ҮЕҰ-ның қатысуымен өткен жергілікті әлеуметтік манызы бар идеялар жәрмеңкесінде қолдау тауып, 150 мың теңге көлемінде қаржыландыруға ие болды. Жобаның мақсаты – ата-анасыны қамқорлығынан айырылған балаларға компьютерлік графика үйрету арқылы қосымша табыс көзі болатындай құзыреттілікке баулу. Арқалық политехникалық колледжі әкімшілігінің қолдауымен арнайы бес ноутбукпен жабдықталған оқу аудиториясы берілді.
Жоспарға сәйкес бұл жоба қыркүйек айында жұмысын бастады. Оның аясында, карантиндік шектеулерге байланысты 5 адамнан тұратын үш шағын топ құрылып, жалпы есеппен 15 ата-анасының қамқорлығынан айырылған білім алушыға компьютерлік бағдарламадан білім берілуде. Жұмыс нәтижесінде қатысушыларға арнайы сертификат табысталатын болады. Бұл істі жүзеге асыру арқылы «Цифрлы Қазақстан» бағдарламасына да үлес қосатынымыз анық.

А.Байжумина,
Арқалық политехникалық
колледжінің Жастар ісі жөніндегі
комитет төрайымы