Еңбек етсең ерінбей...

Выпуск - №36 (584)   :   29.09.2023
374

«Еңбек күнін» мерекелеу аясында Рудный технологиялар мен қызмет көрсету колледжінде «Менің жетістігім – менің жемісім» тақырыбында сынып сағаттары өтті. Оған қаламыздың құрметті азаматы Жақсылық Кәкенов арнайы шақырылды.

Құрметті қонағымыз Жақсылық Кәкенұлы – Республикалық Ардагерлер кеңесінің «Құрмет» төсбелгісінің иегері, мемлекеттік еңбек ардагері, тіл жанашыры, «Аманат» партиясының саяси кеңесінің, облыстық және қалалық Ардагерлер кеңесінің, қалалық «Жадыра» халықтық вокалдық ансамблінің мүшесі. Студенттер ол кісінің өмір, оқу және еңбек жолындағы қиындықтары мен жетістіктері туралы әңгімесін қызығушылықпен тыңдады. Жақсылық Кәкенұлы табанды еңбек пен өз ісінің маманы болу – болашақты жарқын ететіндігі жөнінде сөз қозғап, жолы жігерлі жастар мен жиын қатысушыларына үлкен әсер қалдырды.

Студенттер қызықтырған сұрақтарын қойып, мардымды жауап алды. Жаксылық Кәкенұлы ұрпаққа білімнің қажеттігін, алға қойған мақсаттарына жетуге деген құлшынысының мықты болу керектігін тілге тиек етті. Сондай-ақ кейінгі ұрпақты адал, таза еңбек етуге шақырды. «Батаменен ел көгерер» демекші, ардагер атамыз ақ батасын беріп, жастар алғыс алды. Бұл кездесу жас буынның санасына рухани азық болғаны хақ. Тәуелсіз еліміз үшін аянбай тер төккен Еңбек ардагерлері, қазыналы қарияларымыз аман жүрсін!


Ақтоты ЖАЛҒАСОВА,
Рудный технологиялар мен
қызмет көрсету колледжінің
арнайы пәндер оқытушысы,
өндірістік оқыту шебері

Реклама

Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать. 

"К педагогическому делу надо призывать, как к делу морскому, медицинскому или тому подобным, не тех, которые стремятся только обеспечить свою жизнь, а тех, которые чувствуют к этому делу и к науке сознательное призвание и предчувствуют в нём своё удовлетворение, понимая общую народную надобность".