Ерікті түрде ерікті болу

Выпуск - №15 (411)   :   09.04.2020
282

Жастар жылының жалғасы ретінде Президент Қ.Тоқаев үстіміздегі жылды – Волонтер жылы деп жариялады. Осы тақырып аясында Н.Құлжанова атындағы Торғай гуманитарлық колледжінде пікірталас турнирі өтті.

Жастардың бойына қайырымдылық пен ізгіліктің дәнін себу, олардың бойында белсенді өмірлік ұстанымдарға қатысты дағды қалыптастыру қашан да маңызды. Осы мақсатта колледждің жастар ісі жөніндегі комитетінің «Өркениет» дебат клубының ұйымдастыруымен «Ерікті болу – еркіндік» атты қалалық пікірталас турнирі ұйымдастырылды. Елімізде етек алған көкейкесті мәселелерді бірлесе, қоғам болып талқылау арқылы оқу орындарында білім алып жатқан студент жастардың белсенділігі мен азаматтық ұстанымын арттыру, жастардың көпшілік алдында еркін сөз саптау мәдениетін қалыптастыру, сыни тұрғыда сонымен қатар, логикалық ойлауын дамыту мақсатында өткізілген бұл іс-шараға жалпы саны 5 топ ат салысты.

Турнирде британдық парламент (БП) еріктілер еңбегі ақталсын деп есептейді, БП жаңашылдықтың шығуы ескіліктің қадірін кетіреді деп есептейді, БП ХХ ғасырда ғылымның ең үздік саласы психология деп есептейді, БП елімізде ұшақтардың техникалық қауіпсіздігін нығайту жолын мемлекет қарамағына өткізуді дұрыс деп есептейді, БП ҚР сөз бостандығы мемлекеттің дамуының негізгі тетігі деп есептейді деген қарарлар талқыланды. Бүгінгі күннің өзекті мәселелерін тілге тиек еткен студенттер қауымының аталмыш турнирге үлкен дайындықпен келгендігі байқалып тұрды. Пікірталас нәтижесінде қарсылас командалардан оза шауып, жүлделі 1-орынды Ы.Алтынсарин атындағы Арқалық педагогикалық институты иеленсе, Н.Құлжанова атындағы Торғай гуманитарлық колледжі қоржындарын жүлделі 2-орынмен майлады.

Ал үздік ойын өрнегін көрсетіп, жүлделі 3-орынға Арқалық медициналық колледжі мен Ы.Алтынсарин атындағы Арқалық педагогикалық институтының атынан келген тағы бір команда өзара бөлісті. Жеңімпаздар арнайы алғыс хаттармен марапатталып, кубоктарға ие болды. Жоғары деңгейде өткізіген аталмыш турнирге ат салысқан оқу орындарының барша командаларына алғысымызды айта отырып, жетер жетістіктеріңіз көп болсын деп тілейміз.


Ниязбек ОРАЗОВ,
Н.Құлжанова атындағы
Торғай гуманитарлық колледжі
жастар ісі жөніндегі
комитет төрағасы,

 

Реклама

Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать. 

"К педагогическому делу надо призывать, как к делу морскому, медицинскому или тому подобным, не тех, которые стремятся только обеспечить свою жизнь, а тех, которые чувствуют к этому делу и к науке сознательное призвание и предчувствуют в нём своё удовлетворение, понимая общую народную надобность".