Ғылым мен тәжірибе конференциясы

Қостанайдағы «Зерек» колледжінің студенттері ХІІ облыстық «Жас ғалым-2020» студенттік ғылыми-тәжірибелік «Болашаққа бағдар: рухани жаңғыру» конференциясына қатысты.

Ағылшын тілі мұғалімі мамандығының 3-курс студенті Яна Кисилева өзінің ғылыми жұмысын «Әл-Фараби – шығыстың ұлы ойшылы» атты тақырып аясында қазақ тілінде қорғады. Ғылыми жетекшісі қазақ тілі мен әдебиеті пәнінің оқытушысы Дидар Құрманбаева.

Биыл ғұлама ғалым Әбу Насыр әл-Фарабидің 1150 жылдық мерейтойы ЮНЕСКО-ның атаулы күндер күнтізбесі аясында халықаралық ауқымды аталып өтпек. Мемлекет басшысы Қасым-Жомарт Тоқаевтың тікелей қолдауымен жүзеге асқан ЮНЕСКО-ның бұл шешімі ғаламның «Аристотельден кейінгі ұстазы» атанған тұлғаның тәуелсіз Қазақстанның, қазақ халқының ерекше үлесінде болуын орнықтыра түсетін тарихи сәт. 

– Жұмыс әл-Фараби мұрасын зерделеу, жаңа серпін беру, әлем тарихында оның рөлін айқындау, есімін ұлттық бренд ретінде ұлықтауды көздеді. Ойшыл туралы білімді анықтау саласында зерттеу жүргізудің негізгі мақсаты – бастауыш сынып оқушылары қандай ақпаратты меңгергенін, қандай тақырыптарды үйренетінін, әл-Фараби туралы қандай көлемде және не білетіндігін білу болды», – дейді жетекшісі Дидар Құрманбаева.

Конференция нәтижесінде Яна Кисилеваның еңбегі жанып, әділ қазылар алқасының шешімімен ІІІ дәрежелі дипломмен марапатталды. Дара ұстаздың даналығы бүгінде де өзекті әрі үлкен мәнге ие. Әл-Фарабидің жаңа орталығын құру ЮНЕСКО үшін үлкен іс. Оның дүниетанымы қазіргі күн тәртібімен үндес. Сондықтан орталық Қазақстанда ғана емес, Орталық Азияда және ЮНЕСКО-ның белсенді серіктесіне айналуы керек.

Орталықтың қызметі жастар арасында ғылымды ілгертуге қажет білім дағдыларды ынталандыруға, сондай-ақ әлем мәдениетін дамытуда және зорлық-зомбылыққа қарсы іс-әрекет ету, мәдени әр түрлі құндылықтарды арттырып, көмек беруге үлесін қосары анық.

Дидар ҚҰРМАНБАЕВА,
«Зерек» колледжі басшысының
оқу ісі жөніндегі орынбасары,
Қостанай қаласы