Кәсіби маман, білімді ұрпақ

Выпуск - №43(591)   :   23.11.2023
389

Арқалық политехникалық колледжінде дәстүрлі түрде қазанның 30-ы мен қарашаның 6-сы аралығында «Қызмет көрсету саласы пәндері» топтамалық әдістемелік комиссияның «Кәсіби маман, білімді ұрпақ – болашаққа нақты қадам!» атты апталығы өтті.

Білім алушылардың қызығушылығын арттыру барысында апталықтың алатын орны ерекше. Апталықтың негізгі мақсаты – арнайы және өндірістік оқыту сабақтарында оқытушылардың іс-тәжірибесімен бөлісу арқылы білім алушыларды мамандыққа деген қызығушылықтарын ояту, жан-жақты тұлға қалыптастыру. Оқытушылар кәсіби модуль бойынша төрт ашық сабақ, төрт топтан тыс іс-шаралар ұйымдастырды.

Апталықтың ашылуы колледж фойесінде өтіп, мәжіліс залында салтанатты рәсім концерттік бағдарламамен жалғасты. Апталық аясында оқытушы Н.Әлімжан, М.Жармағанбетов, Г.Қоқашова, А.Жапаргалиева ашық сабақ өткізді. Ашық сабақтар «ППП» әдісі, жұптық және жекелей жұмыс түрлері, интербелсенді тақтада демонстрациялық презентация және бейнероликтер арқылы, сонымен қатар «flippity», «word wall», «learning apps», «kahoot.com», «GPT нейрожелісі» сияқты түрлі ақпараттық-электронды технологияларды пайдалану арқылы өтті.

Апталықтың қызықты кезеңдерінің бірі – топтан тыс іс-шаралар. А.Руденко, А.Асылбекова, Т.Жұмақан, А.Дюсюкова, А.Нұрманбетова, Қ.Сейдалы мамандыққа байланысты топтан тыс іс-шаралар өткізді. Іс-шаралар барысы сайыс арқылы мәжіліс залында өткізіліп, білім алушылардың мамандыққа деген қызығушылықтары мен іскерліктерін көрсету арқылы қызықты интеллектуалды ойындарды заман талабына сай ұйымдастыра білді. Колледжімізде «Жақсылық жасауға асығайық» атты қайырымдылық жәрмеңкесі ұйымдастырылып, студентер өздері жасаған бұйымдары мен тағамдарын сатып, жиналған қаражатқа аз қамтылған білім алушыларға материалдық көмек көрсетілді.

Еңбек нарығына сай мамандық таңдау – өте маңызды мәселе. Ал, «Қызмет көрсету саласы пәндері» топтамалық әдістемелік комиссия құрамы бүгінгі таңда нарыққа қажетті мамандықтарды қамтып отыр. Жастарға үлгі болатын арман, еңбек, сенім ұғымдарын басты мақсат етіп алса, олар армандаған мамандық иесі атанып, болашаққа сеніммен қарайды деген сенімдемін.


Тоғжан АХМЕТ,
Арқалық политехникалық
колледжінің «Қызмет
көрсету саласы пәндері»
топтамалық әдістемелік
комиссия төрайымы

Реклама

Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать. 

"К педагогическому делу надо призывать, как к делу морскому, медицинскому или тому подобным, не тех, которые стремятся только обеспечить свою жизнь, а тех, которые чувствуют к этому делу и к науке сознательное призвание и предчувствуют в нём своё удовлетворение, понимая общую народную надобность".