Кино әлемінен әуендер шырқалды

Н.Құлжанова атындағы Торғай гуманитарлық колледжінде Арқалық қаласының жоғары оқу орындары арасында вокал позициясы «Кино Band» байқауы өтті. Байқаудың мақсаты: кино әлемінен саундтректерді насихаттау.

Байқауға әрбір оқу орнынан студент пен оқытушыдан құралған жұптар қатысты. Аталған іс-шараға Арқалық политехникалық колледжінен 2 жұп қатысты.
Бірінші жұп – колледжіміздің кітапханашысы Асылай Қабылдина мен «Тігін өндірісі және киімдерді үлгілеу» мамандығының үшінші курс студенті Аруна Камалова «Тақиялы періште» кинофильмінен «Абзал ана» әнін орындап, жүлделі І орынға ие болды.
Екінші жұп – «Шаштараз» мамандығы бойынша өндірістік оқыту шебері Асем Дюсюкова мен «Тамақтандыруды ұйымдастыру» мамандығының бірінші курс студенті Анастасия Масленникова «Женщина, которая поет» атты кинофильмінен «Так же как все» әнімен жүлделі ІІІ орынды иеленіп, мақтау грамоталарымен марапатталды.
Жетекшілік еткен қосымша білім беру педагогі ретінде мен және де Жастар ісі жөніндегі комитет жетекшісі Алданыш Байжумина екеуміз Алғыс хатпен марапатталдық. Жоғары деңгейде өткен байқаудың ұйымдастырушыларына мың алғыс! «Өнерлеріңіз өрге жүзсін» демекпіз!

Салтанат ХАМЗИНА,
Арқалық политехнкалық колледжінің қосымша білім беру педагогі