Маманның шыңдалу жолы

Колледж қабырғасында оқып жүрген әр студенттің білікті де білімді маман болып қалыптасуына тек оның теориялық дайындығы аздық етеді. Сонымен қатар практикалық жағынан да озық болуы өте маңызды.

Ы.Алтынсарин атындағы Рудный әлеуметтік гуманитарлық колледжінің «Мектепке дейінгі тәрбие және оқыту» мамандығының 4-курс білім алушылары «Балабақшадағы оқу жылының алғашқы күндері» бақылау өндірістік практикасын қортындылау мақсатында шағын конференция өткізді. Coffee-morning форматында өткізілген шарада студенттер практикадан алған әсерлерімен бөлісіп, озық ойларын ортаға салды.

Ең алдымен, топ ішінде жағымды ахуал қалыптастыру үшін психологиялық тренинг өткізіліп, кейін өз жұмыстарын ойдағыдай қорғап шықты. Іс-шарада білім алушылар практикалық жұмыстарымен бөлісіп, дидактикалық ойындардың жаңашыл формаларын да ұсына білді. Конференцияда мектепке дейінгі жастағы балалардың алғашқы оқу жылында білім ошағына бейімделулерінің қорытындысы мен олармен жүргізілетін оқу-тәрбие жұмысының жоспары және басты құжаттамалық үлгілерімен бөлісті.

Мектепке дейінгі жаста баланың мектепке толыққанды сіңісіп үйреніп кетуіне мұғалім, ата-ана тікелей өз ықпалын тигізері анық. Осыған нақты көз жеткізе білген білім алушылар тәжірибе барысында меңгерген білім, біліктерін болашақта балабақшада жұмыс істеу кезінде қолданады.

Индира ЖАЙЛАУБАЕВА,
Ы.Алтынсарин атындағы
Рудный әлеуметтік гуманитарлық
колледжінің арнайы
пәндердің оқытушысы