Пилоттық жоба жүзеге асырылуда

«Өзін-өзі тану» рухани-адамгершілік білім беру бағдарламасын оқу-тәрбие процесіне интеграциялау бойынша облысымызда бірнеше оқу орындары пилоттық жобаға енгізілді. Оның қатарында біздің Н.Құлжанова атындағы Торғай гуманитарлық колледжі де бар.

Пилоттық жоба 2021-2023 жылдарға арналған. Жоба «Өзін-өзі тану» рухани-адамгершілік білім беру бағдарламасын оқу тәрбие процесіне интеграциялауды көздейді. Осы мақсатты негізге ала отырып, колледжімізде жуырда әдістемелік кеңес өткізіліп, онда шығармашылық топ құрамы бекітіліп, жұмысты бастап та кетті. Жұмысшы шығармашылық топ құрамында жоба жетекшісі, жоба кеңесшісі, жоба үйлестіруші, жоба сарапшылары және жобаны жүзеге асырушы бірнеше менеджерлер қамтылған. Директор жанындағы отырыста пилоттық жобаны жүзеге асыру бойынша құрылған іс-шаралар кешені мен жұмыс жоспары талқыланды.

Жұмыс жоспары негізінде ауқымы кең, ерекше іс-шаралар іріктеліп, контент жоспарға тоғыстырылды. Контент жоспардағы іс-шаралар, пилоттық жобаға енген оқу орындарының қызметін жария ету мақсатында Адамның үйлесімді дамуы ұлттық институтының ресми сайтында және әлеуметтік парақшаларда жарияланатын болады. Пилоттық жобаны жүзеге асыру барысында колледжде эксперименттік топтар анықталды. Пилоттық жоба шеңберінде анықталған эксперименттік топтарға сабақ беретін барлық оқытушылар, сабақтарын «Өзін-өзі тану» рухани-адамгершілік білім беру бағдарламасымен кіріктіруі талап етілді. «Өзін-өзі тану» рухани-адамгершілік білім беру бағдарламасымен кіріктірілген ашық сабақтар, сыныптан тыс шаралар мен ақпараттық үгіт-насихат жұмыстары біріздендірілді.

Пилоттық жобаны жүзеге асыру жоспарында «Өзін-өзі тану» рухани-адамгершілік білім беру бағдарламасының басты «Сүйіспеншілік», «Дұрыс әрекет», «Ішкі тыныштық», «Қиянат жасамау», «Ақиқат» атты 5 құдылығына басымдылық танытылған. Адамдар арасындағы сүйіспеншілік пен құрмет тақырыбының ақсап тұрған шағында бұл пилоттық жобаның атқаратын қызметі зор болмақ. Білім алушыларға рухани құндылықтарды бағалауды дәріптеу үшін тұлға ең бірінші өзін танып-білуі керек. Өзін-өзі жақсы танығанда ғана өзгені түсіне аларымыз хақ. Олай болса пилоттық жоба келшегінен үлкен үміт күтеміз.

Гүлхашима ОРАЗОВА,
Н.Құлжанова атындағы
Торғай гуманитарлық
колледжінің әдіскері,
Арқалық қаласы