Студенттердің өндірістік тәжірибесі

Қостанай құрылыс колледжінің техник-құрылысшы мамандығына оқып жатқан 3-курс студенттері өздерінің кезекті өндірістік тәжірибесін «БК Строй» және «БК Бетон» мекемесінің құрылысында өтті.

«БК Строй» құрылыс компаниясы колледжіміздің көп жылдан бері әлеуметтік серіктесі болып көмектесіп келеді. Бұған екі мекеменің басшыларымен жасалған келісімшарт дәлел. Карантин уақытында үйде қамалып отырған студенттердің құрылыс алаңына шыққаны үлкен қуаныш сыйлады. Себебі олар мамандығына тағы бір табан жақындай түсті. Құрылыс басында еңбек қауіпсіздігі, жұмыс тәртібі, уақытылы жұмысқа шығуы, кешікпеуі қатаң қадағаланды. Бұған үйретуші тәлімгерлердің де, колледж тарапынан мұғалімдердің және осыған қатысты барлық адамдардың үлесі зор.



Нәтижесінде студенттер шапшаң және тиімді жұмыс атқаруда. Ең бастысы құрылыста істейтін жұмыстары олардың болашақ мамандығына тікелей байланысты. Осы бастан мамандығының қырлары мен сырларын үйренуді бірте-бірте бастай берсе, келешекте мамандықтарының керемет иесі боларына кәміл сенеміз. Бүгінде студенттер құрылыс басында сылақ, майлау, іргетасты монтаждау және арматура тоқу сияқты жұмыстарымен айналысуда. Болашақта жоғарғы оқу орнына тапсырамын десе де, құрылыс жұмыстарының қалай жүргізілетінін жете меңгерген артық етпесі анық.

Бақтыгүл ҚОНАРБАЕВА,
арнайы пәндер оқытушысы
Қайрат СӘДЕНҰЛЫ,
өндірістік оқыту шебері,
Қостанай құрылыс колледжі