Студенттерге жазғы су айдындарындағы қауіпсіздік ережелері туралы еске салды

Жазғы демалыс кезінде балаларымыздың қауіпсіздігін қалай қамтамасыз етуге болады? Тәжірибе көрсеткендей, балалардың білім беру мекемелеріндегі қауіпсіздік ережелерін меңгеруінде педагогтардың, ТЖД өкілдері мен ата-аналардың шығармашылық күштерін біріктіру арқылы үлкен тәрбиелік әсерге қол жеткізіледі.

Жазғы демалыс қарсаңында су айдындарында жазатайым оқиғалардың алдын алу үшін Қостанай облысы Төтенше жағдайлар департаменті қызметкерлері «Балалардың судағы қауіпсіздігі!» тақырыбында кезекті интерактивті сабақ өткізді. Іс-шара Қостанай қаласының гуманитарлық колледжінің базасында ZOOM форматында өтті.

Балаларға қажетті сақтық шараларын сақтамай, судың жанында жағымды уақыт өткізу қайғылы жағдайға айналуы мүмкін екенін еске салды.
Шомылу маусымы 1 маусымда ашылады, дегенмен адамдар күн жылысымен бірден шомыла бастайды. Салқын ауа-райы судың жанында демалуға мүмкіндік бермейді. Сондықтан, су қоймаларында демалу кезінде өзін-өзі ұстау ережелерін тағы бір рет қайталайтын уақыт келді.

Қостанай қаласы құтқару бөлімшесінің бас құтқарушысы Владимир Гороховский жағажайлар жабдықталған, дайындалған құтқарушылары бар, ал түбі қоқыстан тазартылған жерде шомылу керек екенін ерекше атап өтті.

Құтқарушының айтуынша, суда демалу бейқамдықты кешірмейді. Жақсы жүзе білуден басқа, сақ болу керек, жағадан алыс емес жерде, сонымен қатар арнайы қоршаудан тыс жүзбеу, бейтаныс жерлерде шомылмау керек.

ТЖД өкілі балаларға құтқару кеудешелері мен шеңбері, «Александровтың соңы» не үшін қажет екенін айтты. Жүзушілерді жәбірленушінің басып алуынан босатудың, оны суда тасымалдаудың, шаршаған жүзгішке көмек көрсетудің түрлі тәсілдерін көрнекі түрде көрсетті.

Өз кезегінде, «Қостанай облысы бойынша Апаттар медицинасы орталығы» ММ филиалының фельдшері Қадиша Үкібаева студенттерге суда және құрлықта ТЖ туындаған кездегі шұғыл психологиялық көмек туралы айтып берді.

Кейін жүрек-өкпе реанимациясын көрсететін тренажердің көмегімен ол зардап шеккен адамға суда алғашқы медициналық көмек көрсету әдісін көрсетті: жүрекке жанама массаж жасау және жасанды тыныс алу ережелері мен әдістері.

Сабаққа қатысушылардың баяндамалары интерактивті тақтада презентациялармен сүйемелденді. Онлайн режимінде сабақты қарауға облыстың 32 колледжінен 672 студент қатысты.

Қостанай облысының ТЖД
Қоғаммен байланыс тобы