Волонтерлер қатарына қосылды

Выпуск - №48(444) : 06.12.2020

339

ҚР-ның Білім және ғылым, Ақпарат және қоғамдық даму министрліктері арасында волонтерлер қозғалысы Qazvolunteer.kz бірыңғай веб-платформасына біріктірілді. Оған Арқалық политехникалық колледжінің 30-ға жуық студенті тіркелді.

Қазақстан Республикасының Білім және ғылым минстрлігі Қазақстан Республикасының білім беруді және ғылымды дамытудың 2020-2025 жылдарға арналған мемлекеттік бағдарламасының негізгі бағыттарын іске асыру шеңберінде колледж студенттеріне әлеуметтік несие берілетіндігі туралы хабарлаған еді. Студенттерді әлеуметтік және қоғамдық пайдалы қызметке кеңінен тартуға бағытталған «Әлеуметтік студенттік кредит» жобасын іске асыру шеңберінде ынтымақтастық туралы меморандум жасалды.
Жастар ресурстық орталығы жанындағы «ZhasA» еріктілер штабының жетекшісі Дүйсен Қияшов еріктілерімізбен кездесіп, іріктеу жасап, ішінен 10 жасты жұмыспен қамтыды. Жобада 11 бағыт бойынша қоғамдық пайдалы қызметті көтермелеу көзделген болатын. Колледжіміздің еріктілері Аман Қуанышов, Мирас Сейтқұл «Аула және спорт клубтарын» ұйымдастыру бағытында жұмыс атқарса, Алтын Мизамбаева, Эльвира Қабдыбек «Волонтерлермен республикалық және қалалық іс-шараларды өткізу кезінде жергілікті жастар ресурстық орталықтарының жұмысына қатысу» бағытында жұмыс атқарды.
Ал Алихан Төлегенов, Гүлназ Тәуекелова, Мадина Жұмағали, Нұрсұлтан Асхат, Сүндет Таңатқан «Жастар азаматтық бастамалар» бағыты бойынша жұмыстарын атқарған болатын. Еріктілеріміз аталған бағыттар бойынша өз сағаттарын толықтай өтеп шықты. Олар алдағы уақытта да асқан қызығушылықпен талмай жұмыс атқарып, еріктілікті дамыту мақсатында қоғамға зор үлестерін қосатындығын білдірді.

Алданыш БАЙЖУМИНА,
Арқалық политехникалық
колледжі «Жүрек жылуы»
еріктілер тобының жетекшісі