Үгіт-насихат жұмыстары жүргізілді

Н.Құлжанова атындағы Торғай гуманитарлық колледжінде наурыз айының басында «Ғылымға бастау. Мамандықтар әлемі» тақырыбында үгіт-насихат жұмыстарының онкүндігі өтті. Онкүндікте түрлі іс-шаралар ұйымдастырылды.

«Менің мамандығым» тақырыбында тәрбие сағаттары, «Ең танымал мамандықтар» дебат, «Мамандық өмір таңдауы» көрме, «Біздің колледжді таңда!» бейне байқауы (колледж жарнамасы), «Ұядан қанат қаққандар» түлектермен кездесу, «Менің мамандығым» челленджі ұйымдастырылды. Онкүндікке колледж білім алушылары мен оқытушылары белсене араласты. «Жас қанат» жастар ұйымының мүшелері мектептің 9-11 сынып түлектеріне колледждің жарнамасы мен үлестірмелі қағаздары таратты.
Одан бөлек колледжімізде үгіт-насихат жұмыстарының онкүндігі өткізілді. Онкүндіктің әр күнінде әртүрлі іс-шаралар қамтылды. Соның бірі «Ұядан қанат қаққандар» тақырыбында ұйымдастырылған түлектермен кездесу кештері өтті. Кездесуді колледждің мектепке дейінгі тәрбие және оқыту мамандығының оқытушысы Айгерим Сейполинова мен педагог-ұйымдастырушы Ақмарал Бауыржанова ұйымдастырды.
Кездесуге Саяжан Қапсалық – №6 А.Құнанбаев атындағы мектеп гимназиясының бастауыш сынып мұғалімі, Наурызбек Әміржан – А.Байтұрсынов атындағы бастауыш гимназия мектебінің дене тәрбиесі мұғалімі, Олжас Қапан – Кейкі батыр атындағы №4 орта мектебінің музыка пәнінің мұғалімі, Ақбота Әбдрахман – балалар музыка мектебінің оқытушылары келіп, білім алушыларға мамандықты таңдағанда қателеспеу керектігін, өздерінің қызықты оқиғаларымен, алғашқы ұстаздық жолдары жайында пікір алмасты. Кездесу соңы музыкалық ән кешіне жалғасып, түлектер білім нәрін берген оқытушыларға алғыстарын білдірді.

Бақытира НҰРҒАЗИЕВА,
Н.Құлжанова атындағы
Торғай гуманитарлық колледжі
директордың оқу өндірістік 
жұмысы жөніндегі орынбасары,
Арқалық қаласы