Үйренейік, ізденейік, жас маман

Жақында Арқалық политехникалық колледжінде «Бүгінгі жас маман – келер ұрпақтың сәулеткері» атты «Қызмет көрсету саласы пәндері» топтамалық әдістемелік комиссиясының апталығы өтті.

Апталық оқытушылардың өзара іс-тәжірибесімен бөлісу, арнайы және өндірістік оқыту сабақтарында және сабақтан тыс іс-шараларды оқытудың заманауи тәсілдерін қолдана отырып, білім алушылардың білім алуға қызығушылын арттыру, ой-өрісі мен таным белсенділіктерін жан-жақты жетілдіру, мамандық құзыреттіліктерін қалыптастыру мақсатын көздеді.

Тағылымды апталық аясында жоспар бойынша «Фермер шаруашылығы (бейіні бойынша)», «Тамақтандыруды ұйымдастыру», «Шаштараз өнері», «Есептеу техникасы және бағдарламамен қамтамасыз ету», «Тігін өндірісі және киімдерді үлгілеу» мамандықтары білім алушыларының қатысуымен ашық сабақтар, топтан тыс іс-шаралар, өндірістік оқыту сабақтары, шебер сынып және жыл сайын дәстүрге айналған «Жылы жүрек – жомарт қол» қайырымдылық жәрмеңкесі өтті. Қайырымдылықтан түскен қаражат мүмкіндігі шектеулі білім алушыларға көмекке жұмсалды.

Білім алушылар ұйымдастырылған іс-шаралар аясында креативті идеяларын танытып, белсенді білім алушылар мадақтамалармен марапатталды. «Қызмет көрсету саласы пәндері» топтамалық әдістемелік комиссиясының апталығы білім алушылардың кәсіби құзыреттілігін қалыптастыруға, шығармашылық пен бастамашылдықты айқын көрсетуге, қарым-қатынас дағдыларын, топтық бірлестікті дамытуға мүмкіндік берді, сонымен қатар ерекше ақпараттық кеңістік құра біліп, мамандықтарына деген қызығушылығын арттырып, келер ұрпаққа үлгі болатын мамандар қатары толығып келе жатқанын айқын көрсетті.

Нұргүл ӘЛІМЖАН,
Арқалық политехникалық
колледжінің «Қызмет
көрсету саласы пәндері»
ТӘК төрайымы