Ұлттық қолөнер – тәрбие көзі

Н.Құлжанова атындағы Торғай гуманитарлық колледжінің «Мектепке дейінгі тәрбие және оқыту» мамандығының педагогикалық тәжірибе әдіскерлері Динара Білісбекова мен Айгерим Сейполинова балабақша тәрбиешілерімен «Шебер қолдар» байқауын ұйымдастырды.

Тұлғаның жан-жақты дамуына эстетикалық тәрбиенің де маңызы зор. Жыл өткен сайын елімізде эстетикалық тәрбиеге деген ықылас артып келеді. Қазақ елі тәуелсіздігін алғалы, халқымыздың қолөнері қандай жетістіктерге жетіп отырғаны белгілі. Себебі, қазір біз ұмыт бола бастаған қолөнерді қайта жаңғырта бастадық. Қолөнер – халқымыздың қасиеттімен ұрпақтан-ұрпаққа ауысып, тамырын тереңге жайып келе жатқан мұра. «Өнер – таусылмас азық, жұтамас байлық» дейді халық даналығы. Ол адамның дүнитанымына, сеніміне, адамгершілік-моральдық қасиеттердің қалыптасуына, эстетикалық сезіміне, алға қайған мақсатының айқындалуына әсер етеді.

Ұлттық қолөнерді насихаттаған байқауға «Балдырған А», «Раушан», «Золотой ключик», «Ай-Али» бөбекжай-балабақшаларының тәрбиешілері қатысып, өздерінің қолдан жасаған бұйымдарын тарту етті. Нәтижесінде бас жүлдені «Балдырған А» б/б тәрбиешісі А.Шаухатбекова, I орынды «Золотой ключик» б/б тәрбиешісі Г.Қалиева және «Раушан» б/б тәрбиешісі Э.Габдуалиева, II орынды «Балдырған А» б/б тәрбиешісі А.Дүйсенбай және «Золотой ключик» б/б тәрбиешісі К.Оразгалиева, III орынды «Балдырған А» б/б тәрбиешісі М.Қорғанбекова және «Золотой ключик» б/б тәрбиешісі Н.Газезова ие болды.

«Талантты» номинациясына «Балдырған А» б/б тәрбиешісі А.Молдабаева, «Талғампаз» номинациясына «Раушан» б/б тәрбиешісі Ж.Джулмуханбетова, «Ұқыпты» номинациясына «Золотой ключик» б/б тәрбиешісі А.Жумабаева ие болды. Сондай-ақ қатысушыларға сертификаттар да табыс етілді. Колледждің ұйымдастырған іс-шараларына әрқашанда қолдау көрсететін әлеуметтік серіктестеріміз, балабақша меңгерушілеріне алғысымыз шексіз, әлі де байланысымыз жалғасын табады деп сенеміз.

Бақытира НҰРҒАЗИЕВА,
Н.Құлжанова атындағы
Торғай гуманитарлық колледжі
директордың оқу өндірістік жұмысы
жөніндегі орынбасары,
Арқалық қаласы