Ұлттық мереке, тарихи күн

Выпуск - №41(589) : 09.11.2023

717

Республика күніне орай, Арқалық политехникалық колледжінде апталық жоспар құрылды. Соның аясында жастардың бойындағы патриоттық сезімдерін арттыру мақсатында бірқатар тағылымды іс-шаралар ұйымдастырылды.

Жас ұрпақтың еліне деген құрметін қалыптастыра отырып, рухын көтеру бағытындағы мерекелік іс-шаралардың бірі – «Қазақстан – жастар көзімен» атты колледжішілік сурет байқауы. Одан бөлек, «Қыран елім – Қазақстан» атты акциясы өткізіліп, колледж білім алушылары мен оқытушылар бірлесіп әнұран шырқады. Ішкі саясат бөлімімен бірлесе, колледжіміздің 1-4 курс белсенділері Instagram әлеуметтік желісі арқылы құттықтау бейнематериялын жолдап, «Republik Day» аясында челленджге белсенді атсалысты.

Республика күнін ұлықтаған шаралар мұнымен толастамады. «Мәңгілік жаса, қыран елім Қазақстан» атты салтанатты іс-шара ұйымдастырылды. Мерекелік кешке қалалық Ардагерлерлер ұйымының кеңесшілері Қайырден Жиенбаев, Кеңшілік Омаров, Хамитжан Байжумин және ата-аналар Күлпара Рагатова мен Гульжиян Көбенова апаларымыз арнайы шақырылды. Белсенді білім алушыларымыздың өнеріне тәнті болған қадірлі қонақтар жастарға батасын беріп, Республика күнімен құттықтады.

Алданыш БАЙЖУМИНА,
Арқалық политехникалық
колледжінің Жастар ісі
жөніндегі комитет
жетекшісі