Жасөспірімдерге кәсіби бағыт

Лисаков техникалық колледжінің ұйымдастыруымен «Желтоқсан оқулары-2025: құндылықтар, инновациялар және жұмысшы мамандықтары жылындағы жастардың кәсіби өзіндік айқындалуы» атты аймақтық ғылыми-практикалық конференция өтті.

Конференция 6 секция бойынша ұйымдастырылды. Әрбір секцияның жұмысы бағыттары бойынша бөлінген. Колледжіміздің 4-курс білім алушылары 1, 3 және 4-секциялар бойынша білімдерін ортаға салды. Оларды берілген ғылыми тақырыптар бойынша оқытушыларымыз – А.Абдикова, Г.Саидова, М.Сулейменова, Г.Старовик дайындады. Іс-шара нәтижесінде Жансая Қошқарбек 1-орынды, Азиза Болат 3-орынды иеленді.

Кәсіп – біздің өміріміздегі ең маңызды салалардың бірі. Ол сенің өміріңнің көп бөлігінде сенімен бірге жүреді. Тіпті бірде қателесіп, жолыңды өзгерткің келсе де, бұл күйзеліске әкелуі мүмкін. Сондықтан алдын ала өзіңді зерттеу, өзіңе не сәйкес келетінін, не келмейтінін түсіну, кәсіби өзін-өзі анықтау өте маңызды. Мен үшін хобби мен нағыз мамандықты ажырата білу – бірінші орында.

Бала кезімнен би хореографы болуды армандадым, тіпті емтихандарға да бардым. Уақыт өте бұл – хобби екенін түсіндім. Ал жұмыс барысында мен үшін еркіндік, креатив пен тұрақтылық маңызды. Сол себепті мен педагог, оқытушы жолын таңдаймын.

Гулвира САИДОВА,
Қостанай гуманитарлық колледжінің арнайы
пәндер оқытушысы