Учительская плюс
Областная еженедельная общественная информационно-образовательная газета
Календарь
20/09/24 Пятница
Н.Құлжанова атындағы Торғай гуманитарлық колледжінің «Жас сарбаз» әскери патриоттық үйірме белсенділері Ауған соғысына қатысып, қасіретті соғыстың қиыншылығын көрген ардагерлермен кездесіп қайтты.
Ауған соғысы – біз үшін тарихи күн. 1989 жылы ақпан айының 15-інде Кеңес әскерлерінің Ауғанстан жерінен шыққан күні. Биыл, міне, 32 жыл болыпты. Базбіреулер үшін бұл күн қатардағы күннің бірі ғана болуы ықтимал, ал біз үшін – тарихи күн, тағдырлы күн. Сол кездегі елге ағылған темір табыттардың тоқтаған күні. Аманат арқалап, өмір мен өлім белдескен қанды шайқасқа қатысып, батырлықтың ерен үлгісін көрсеткен қаһарман ағаларымыз бүгін біздің ортамызда.
Олардың бірі Арқалық кеден қызметінің бастығы, Ауған соғысы ардагерлер кеңесінің төрағасы Бальдиков Марат Батырханович болса, енді бірі МАИ инспекторы қызметін атқарушы, подполковник, бұл күндері міндетті демалыстағы Кунаков Тимур Шамилевич. Бүгінде елінің көсегесін көгертуге ат салысып жүрген ауғандық ардагер жауынгерлерімізді қадірлеп-құрметтеу біздің борышымыз.
МАИ инспекторы қызметін атқарушы, подполковник Тимур Кунаков
Кездесу барысында біз кітап бетінен ғана оқып-білген соғыс туралы олар өз көздерімен көріп, ел мүддесін қорғағандығы жайлы шер тарқатты. Көптеген қазақстандықтар қаза тапты, іс-түссіз жоғалып кеткендері де қаншама. Ардагерлеріміз бұл күнді көңілде сызы, жүректе ізі қалған ауыр да азапты жылдар естелігі екендігін айтып, олар үшін қайғы болып қатталып, қасірет болып жатталып қалса да, тәуелсіз Қазақстанның әрбір күні бейбіт өмірдің бесігінде тербетіліп, әр үйдің түтіні түзу шығуын тіледі.
«Ерлік – жан дүниенің ұлы қасиеті» деген екен бір дана. Өмірінің өлшеулі бір бөлігі, жауқазын жастық шағының сүбелі бөлігін оқ пен от астында өткізіп, тағдырдың жазуымен елге аман-сау оралып, туған жерімен қауышу – бір ғанибет емес пе? Ер қуаты – қару болса, ел қуаты – батырлары, сақадай сарбаздары мен сардарлары. Халық қашан да қаһарман ұлдарын пана тұтқан. Осындай бейбіт өмір сүруіміз майданда ерлікпен елі мен жерін қорғаған батырларымыздың арқасы.
Ниязбек ОРАЗОВ,
Н.Құлжанова атындағы
Торғай гуманитарлық колледжінің
алғашқы әскери дайындық
пәнінің оқытушысы,
Арқалық қаласы
Литературе вообще нельзя научить, а в школе – особенно. Когда преподаёшь в школе, скажем, Толстого, главное, на мой взгляд, чтобы твой ученик не возненавидел великого классика и его героев, едва прикоснувшись к ним, не потерял их для себя на долгие годы. Для того чтобы действительно узнать Толстого, надо быть уже взрослым человеком. А пока надо постараться, чтобы от встречи с Толстым у молодого человека осталось по крайней мере радостное впечатление, ощущение чего-то светлого и во многом непонятного, к чему хотелось бы вновь и вновь возвращаться в дальнейшем… Самое страшное, что может сделать педагог – это заставлять из-под палки читать великого художника. Это профессиональное преступление.
_250x150_3cd.jpg)
_250x150_5f3.jpeg)