«Әншуақ» әуенмен тербетеді

Елімізде алғаш рет Халықаралық балаларды қорғау күніне арналған «Әншуақ» балалар әндерінің фестивалі өтеді. Бұл – өскелең ұрпақтың мәдени өміріндегі ерекше оқиға. Оның басты мақсаты – халқымыздың ұлттық ерекшелігі мен рухани мәдениетін дәріптеу.

«Әншуақ» балалар әндерінің фестивалі аясында бірқатар іс-шаралар жоспарлы түрде өткізіледі. Мысалы, Алғыс айту күніне орай, Өнер мектебінің оқушылары жергілікті композитор, Қостанай облысы меценаттар клубының «Шабыт» сыйлығының лауреаты, ҚР композиторлар одағының мүшесі Дерипсалдин Жарқынбек Есенұлымен кездесті.
Фестиваль аясында, ақпанның 1-інен бастап еліміздің түкпір-түкпірінде балалар әндерінің челленджі басталады. Оған 6 жастан 18 жасқа дейінгі кез келген бала қатыса алады. Ол үшін TikTok әлеуметтік желісінде #ӘНШУАҚ ортақ хэштегінің астына балалар әнінің жанды орындалған бейнесін жүктеу қажет. Қорытындысы маусымның 1-інде Халықаралық балаларды қорғау күнінде шығарылады.
Сонымен қатар, дәл осы күні еліміздің әрбір елді мекенінде Open Air форматында концерттер ұйымдастырылып, елорданың өзінде «Әншуақ» фестивалінің гала-концерті өтеді.

А.Какимов,
Өнер мектебі директорының орынбасары,
Әулиекол ауданы