«Асық time» көрмесі өтті

Амангелді ауданындағы «Шұғыла» балалар мен жасөспірімдер шығармашылық орталығында «Рухани жаңғыру» бағдарламасының «Ұлттық бірегейлікті сақтау» бағытын жүзеге асыру мақсатында асықтан жасалған бұйымдарды таныстырған «Асық TIME» көрмесі өтті.

Көрмеге аудандық ішкі саясат бөлімінің басшысы Нұрлыбек Тәжин, аудандық спорт мектебінің басшысы Нұрлыбек Әбдіхалықов, аудандық білім бөлімінің бас маманы Сәрсенбай Құттығожин, аудандық аурухана қызметкері Ғалым Сағитов, аудандық Жастар ресурстық орталығының басшысы Бекболат Көптілеуов қатысты.
Асықтан жасалған бұйымдар көрмесі негізгі қазақ халқының рухани болмысына негізделген.



Шығармашылық орталықтан қосымша білім алатын оқушылар бұған дейін «Асық party» акциясы барысында жиналған 3000-ға жуық асықтан қазақтың ұлттық аспаптарын, жетіген, қобыз, киіз үй макеттерін, басқа да түрлі бұйымдар жасап, көрмеге ұсынды.



Әр ұлттың көркі дәстүр-салтына, халықтық мұраларына байланысты. Сондықтан қазақтың асыл мұраларын, ұлттық құндылықтарын ұлықтап, келешек ұрпаққа насихаттау «Рухани жаңғыру» бағдарламасы аясында жүзеге асырыла бермек.











 

Әнет ЖҰМАБЕК,
«Шұғыла» балалар мен
жасөспірімдер орталығының
көркемдік жетекші,
Амангелді ауданы