Учительская плюс
Областная еженедельная общественная информационно-образовательная газета
Календарь
07/08/26 Пятница
Амангелді ауданындағы А.Нұрманов атындағы жалпы білім беретін орта мектепте «Рухани жаңғыру» бағдарламасы аясында мектеп түлектерінің демеушілігімен домбыра кабинеті ашылды.
Аталмыш кабинет төл өнерді ұлықтау, ұлттық мұраларды насихаттау, өнерлі шәкірттер шоғырын қалыптастыру мақсатында ашылып отыр. Іс-шараға аудан әкімінің орынбасары Ганиев Сүндет Жолдыбекұлы, мекеме, кәсіпорын басшылары және ауыл тұрғындары қатысты.
Ашылу салтанатында аудан әкімінің орынбасары С.Ганиевке алғашқы құттықтау сөз беріліп, сөз арасында ол қасиетті қара домбыраның халықтың ұлттық құндылығы екенін айта келе, қазақ халқының өзіндік ерекшелігі мен мәдениетінің, өнерінің насихатталғаны баршаға маңызды екенін атап өтті. Сондай-ақ домбыра кабинетінің ашылуына ат салысқан ел перзенттеріне алғысын білдірді.
Елбасының шешімімен шілденің бірінші жексенбісі Ұлттық домбыра күні болып жарияланған тұста аталған білім ошағында «Үкілі домбыра» жас домбырашылар үйірмесі өз жұмысын бастаған-тын. Үйірмеге тартылған 30 оқушы аудандық деңгейде өткен 1000 домбырашы флешмобына қатысып, ұлттық өнердің насихатталуы жолына үлесін қосқан еді. Мектеп базасынан ашылып отырған домбыра кабинеті үйірме өнерпаздарының, ұстаздар қауымы мен ата-аналарға үлкен қуаныш сыйлады.
Қос ішекті қара домбыраның үнінде дархан даланың тамыры терең тарихы мен сан ғасырлық шежіресі бар. Ұлттық өнерді насихаттауға үлес ретінде ашылған кабинет қазақ күйшілері, жерлес композиторлар туралы стендтермен жабдықталған. Мектеп түлектері тарту еткен домбыралар мен көнеден келе жатқан ұлттық аспаптар кабинеттің мәнін ашып, сән-салтанатын келтіріп тұр. Домбыра кабинеті алдағы уақытта осынау ұлт болмысын сақтап, рухани құндылықтарымыздың арқауы үзілмеуіне дәнекер болар өнерлі дарабоздар дайындауда жұмысын жалғастырмақ.
Әнет ЖҰМАБЕК,
«Шұғыла» балалар мен
жасөспірімдер шығармашылық
орталығының көркемдік жетекшісі,
Амангелді ауданы
Мир, в котором живет человек, зависит прежде всего от того, как его данный человек понимает, а следовательно, от свойств его мозга: сообразно с последним мир оказывается то бедным, скучным и пошлым, то наоборот, богатым, полным интереса и величия.
Умный человек и в одиночестве найдёт отличное развлечение в своих мыслях и воображении, тогда как даже беспрерывная смена собеседников, спектаклей, поездок и увеселений не оградит тупицу от терзающей его скуки.
Учитель – это светоч нации. Ежедневным кропотливым трудом каждый из вас вносит неоценимый вклад в развитие страны. Вы сеете семена знаний в молодые сердца и растите мыслящую нацию. Ибрай Алтынсарин говорил: «Превыше всего я ценю хорошего учителя». Педагог – ключевая фигура в построении будущего страны, поэтому ему должно быть отведено достойное место в обществе.
