Көрпелер көрмесі өтті

Әулиекөл ауданына қарасты «Балапан» Құсмұрын балабақшасының мектепке дейінгі білім беру мекемесінде тәрбиеленуші топтар арасында ата-аналармен бірлесе отырып, «Көрпе FEST» тақырыбында көрме ұйымдастырылды.

Мақсаты – түрлі көркем материалдарды қолдана отырып, жұмыстарды әсемдеуін баулу. Өз идеялары мен сезімдерін беру үшін қоршаған ортаның визуалды элементтері мен өнердің көркем тәсілдерін қолданып, ұлттық қолөнерімізді жаңғыртып ұрпақтан-ұрпаққа мұра ету. Құрақ көрпе – үйдің сәні, нәсібі мол кәсіп, ұлттық өнеге. Оған балалардың қызығушылығы бар жерде көрпе құрау сан қырлы идеялармен жаңара жетіліп жалғаса түседі деуге болады. Қазақ халқында құрақтың 200-ден аса түрі бар.

Балаларды ұлттық қасиеттерге баулуда ата-бабамыз күнделікті тірлігінде пайдаланған тұрмыстық ерекшелігі мол дүниелермен таныстырудың тәрбиелік мәні зор. Осы тәрбиені негізге ала отырып, ұлттық қолөнері және оюларымен таныстыруда алдыма мындай мақсат қойдым: балалардың ұлттық өнердің сән және қол өнер түріне деген сүйіспеншіліктерін, көркемдік эстетикалық талғамын дамыту, халықтың тұрмыс-салт дәстүріне қызығушылықтарын ояту, шығармашылық ойлау қабілеттерін дамытуға отансүйгіштік, бір-біріне деген қамқорлыққа тәрбиелеу.

Гүлшат АБЖАНОВА,
«Балапан» б/б тәрбиешісі,
Әулиекөл ауданы,
Құсмұрын ауылы