Облыстық кітапхана «Кітапхана түніне» шақырады!

Ертең, яғни сәуірдің 22-сі күні Л.Н. Толстой атындағы Қостанай облыстық әмбебап ғылыми кітапханада «Кітапхана түні» әлеуметтік-мәдени акциясы өткізілмек. Кітапхана түнінің тақырыбы: «Экология».

Экологиялық образ немесе өмір салты тақырыбы – біздің болашақ эволюциялық дамуымыздың маңызды құрамдас бөлігі. «Кітапхана түні» акциясы аясында облыстық кітапхананың ақпараттық-библиографиялық қамтамасыз ету бөлімі қала тұрғындары мен қонақтарын «Эко стиліндегі өмір» алаңына шақырады. Сіздерді қызықты және танымдық іс-шаралары бар экобелсендер күтеді.

«Neco» ЭКО клубының негізін қалаушы және жетекшісі Наурызбек Бірмағамбетов күнделікті өмірдің бір бөлігіне айналуы үшін экостилдегі өмірге қалай қадам жасау керектігін айтып береді. «Эко стиліндегі өмір» ақпараттық досьесі; «Эко бастамалардың Фандрайзингі» панорамасы; «Жобалардағы кітаптар», «Вермикомпостирование» шебер-сыныптары сынды қызықты іс-шаралар өткізілмек. Сондай-ақ «Рауан» қоғамдық бірлестігінің өкілі Алена Дурманова ағаш күйдіру бойынша шебер-сыныбын көрсетеді.

«Органик маркет» ЭКО өнімдер көрмесінде «Форефер Ливинг Продактс Казахстан» ЖШС менеджері Дилара Турганова ұсынатын Алоэ Вера негізіндегі денсаулыққа арналған өнімдерді көруге болады. Қалағандар «Экомониторинг» бұрышындағы тамақ өнімдеріндегі (көгөністер мен жемістер, ет өнімдері және т.б.) нитрат деңгейін тексере алады. Ал бөлімнің энциклопедияларынан қызықты ақпарат пен маңызды фактілерді таба аласыз, олар сіздің әлем туралы түсінігіңізді кеңейтеді және таныс заттар мен құбылыстарға жаңа көзқараспен қарауға көмектеседі.
Құрметті оқырмандар, қала тұрғындары және қала қонақтары!
Л.Н. Толстой атындағы Қостанай облыстық әмбебап ғылыми кітапханасының  ақпараттық-библиографиялық қамтамасыз ету бөлімі сіздерді «Кітапхана түніне» шақырады! Келіңіздер! Қызықты іс-шаралар легінен қапы қалмаңыздар!

Ботагөз ӘЛКЕБАЕВА,
Л.Н. Толстой атындағы
Қостанай облыстық әмбебап
ғылыми кітапханасының
ақпараттық-библиографиялық
қамтамасыз ету бөлімінің
меңгерушісі