Отбасы құндылығы насихатталды

Қыстың алғашқы күні мерекемен басталды. Олай деуімізге себеп, Қостанай ауданында тіл жанашырларының ұйымдастыруымен «Тіл тамыры – отбасы» тақырыбында отбасылық сайыс ұйымдастырылды.

Байқау қазіргі таңда Қазақстан мемлекетінің бет-бейнесі оның мемлекеттік тілінің әлеуетімен, өзге де асыл құндылықтарымен сипатталатынын айқындау мақсатында өтті. Сайысқа екі аудан қатысты. Біздің Рыспай негізгі орта мектебінен бастауыш сынып мұғалімі Хасенова Жанар Қолқанатқызы отбасымен қатысып, бар өнерлерін ортаға салды. Жалпы Қостанай ауданынан Сейлхановтар отбасы, Федоров ауданынан Ховлановтар отбасы қатысты. Екі отбасы да жақсы өнер өрнегін көрсетті. Байқаудың қортындысы бойынша жүлделі орынды біздің Рыспайдан шыққан Сейлхановтар отбасы иеленді. Сайысқа қатысушыларды «Аманат» партиясы Қостанай облыстық филиалының грамоталарымен және ақшалай сыйлықтармен марапаттады.

Зухра АБДИКОВА,
Рыспай НО мектебі
директорының оқу ісі
жөніндегі орынбасары,
Меруерт САДВАКАСОВА,
директордың тәрбие ісі
жөніндегі орынбасары,
Қостанай ауданы