Рухани тәрбиенің қайнар көзі

Выпуск - №47 (544) : 02.12.2022

754

Рудный қаласындағы №13 ЖББ мектебінде оқу жылының басынан «Жас әртіс» театр үйірмесі жұмыс істеп келеді. Үйірме жетекшісі Іңкәр Бақытбек 4 «Ә» сынып оқушыларымен жұмыс жүргізуде.

Рухани тәрбиенің қайнар көзі сақталған үйірменің шәкірттері түрлі мерекелерде шағын сахналық көріністерін көрсетеді. Ай сайын «Ералаш» атты шағын қызықты бейнематериалдар түсіреді. Жақында мектеп директорының тәрибие іс жөніндегі орынбасарларының қалалық семинарына қатысып, «Ұлттық құндылықтар – рухани тәрбиенің көзі» атты көріністі сахналады.

«Тәрбие – тал бесіктен» демекші, бұл қойылым арқылы көрермендерге жеткізу көзделген негізгі мақсат – отбасыдағы бала тәриесінің маңыздылығын көрсету және ұлттық құндылықтарды дәріптеу болды. Дарынды жастар барып салып, өзінің образына толық кіріп, кейіпкернің бейнесін лайықты түрде жеткізе білді. Алдағы уақытта театр үйірмесі қатысушыларының алдына қойған мақсаты – қалалық театралдық көріністерге қатысып, өнерлерін көпшікке көрсету.

Алмагүл ЖАНАБАЕВА,
№13 ЖББМ директордың
тәрбие ісі жөніндегі
орынбасары,
Рудный қаласы