Салт-дәстүрді насихаттау жолы

Адамның мәдениетi мен тәрбие деңгейi оның сырт келбетінен, киім киісінен білінетіні белгілі. Бiздiң этикалық-эстетикалық мұратымыз – сырт көрiнiстiң әдемiлiгi мен рухани кемелдiлiктiң табиғи бiте қайнасуы.

«Сырт пiшiннiң адам өмiрiндегi мәнi зор», – деп жазған А.Макаренко. Қостанай ауданына қарасты Жамбыл орта мектебінің мектепке дейінгі сыныптары мен топтарының ұйымдастыруымен Елбасының «Болашаққа бағдар: рухани жаңғыру» бағдарламалық мақаласының «Өркендеу» арнайы жобасы бойынша ұлттық негіздегі бастама қолға алынды.



Тәрбиешілердің бірігіп арнайы тіктірген ұлттық нақыштағы киім үлгілері болашақ педагогтер мен балаларға насихат деп есептеймін. Қазақ халқының ұлттық нақыштары арқылы тәрбиелеу кез келген мектепке дейінгі топтар мен сыныптардың мақсаты мен мұраты болса ләзім. Болашақ тәрбиешілерге де руханилықты бойына сіңіре алатын тұлға етіп тәрбие бере білу керек деп есептеймін. Неге десеңіздер, ұлттық нақышта тігілен киімдерге қарап, ең алдымен, руханилықты өзімізден бастасақ деген ой санамызда болары анық. Осынау ұлы мақсатты болашаққа бекемдеп те алдық.



Ол үшін бүгінгі жас ұрпаққа сапалы білім мен саналы тәрбие бере отырып, ұлттың тарихын, мәдениетін, салт-дәстүрін, табиғат ерекшеліктерін таныстыру қажет деген ойдамын. Рухани жаңғыруды өскелең ұрпаққа да дәріптеп, сіңіруіміз керек. «Тәрбие мен білім егіз» деген сөз бар. «Тәрбие бар жерде ғана сапалы білім мен саналы ұрпақ болмақ» деген халқымыздың дана сөзін әркез жадымызда сақтап, сол жолда нәтижелі еңбек етеміз.

Әлия БОРСАНОВА,
Жамбыл ОМ мектепке дейінгі
топтар аға тәрбиеші-әдіскері,
Қостанай ауданы