Салтанаттың жеке көрмесі

Қостанайдағы Назарбаев Зияткерлік мектебінің қабырғасында талантты оқушымыз Салтанат Тілегеннің жеке шығармашылық көрмесі ұйымдастырылды. Ол «Digital art» форматында «Аниме» стилінде сурет салғанды ұнатады.

Шығармашылықты жанына серік еткен дарынды оқушымыз өзінің ғылыми жобаларын қорғап, көптеген Республикалық, облыстық деңгейдегі байқауларда да топ жарып жүр. Салтанаттың көрмеге қойылған жұмыстарының қатарында, өзінің қолындағы «Маған қара» картинасын, одан бөлек «Жарқын күн», «Автопортрет», «Сүйіспеншілік пен Үміт», «Меруерт», «Түнектегі жарық» атты жұмыстарын атап өтуге болады.
Осы стильде кейіпкерлердің сыртқы келбеті, дизайны және тарихы ұнайтынын айтады жас қылқалам шебері. Оның жетекшісі – қосымша білім беру педагогі Баян Баталова және де өнер пәнінің мұғалімі Мархаба Махмутова. Ұстаздары сияқты, біз де жас дарынның болашағына үлкен үмітпен қараймыз және келешекте танымал суретші болуына тілектеспіз.

Әсел ҚИБАШ,
Қостанай қаласындағы
Назарбаев Зияткерлік
мектебінің баспасөз хатшысы