«Сөз сұлтаны – Сұлтанмахмұт»

Выпуск - №43(591)   :   23.11.2023
350

Осындай тақырыпта Н.Островский атындағы қалалық кітапхананың кітапханашылары Қостанай жоғары медициналық колледжінде жалынды ақын Сұлтанмахмұт Торайғыровтың туғанына 130 жылдық мерейтойына орай іс-шара ұйымдастырды.

XX ғасыр басындағы қоғамдық-саяси және тарихи-әлеуметтік оқиғаларға, қазақ жеріндегі өзгерістерге өзінің азаматтық, ақындық үнін қосқан талантты ақындардың бірі – Сұлтанмахмұт Торайғыров болды. Ақынның жазумен айналысып бастаған кезі – қазақ халқының басындағы бір қиын кезең еді. Ол жаңашылдыққа жаны құмар болды. Жоғары жетістіктерге жеткен елдерге қызыға қарап, жастарды білім алуға шақырды. Ақын қамшының сабындай қысқа ғұмырында сол дәуірдегі ұрпақтың мұрат-мақсатын, арман-аңсарын жыр қылып тербеді.

Өскелең ұрпақтың үлгі алар ұранына айналған жалындаған жас ақынның өмірі мен еңбек жолы туралы кітапханашылар әңгімелеп, артынша бейнероликті оқырман назарына ұсынды. Ақынның жалынды жырларын колледж студенттері Аружан Аманкельдинова «Шығамын тірі болсам адам болып», Улар Абдибекова «Оқып жүрген жастарға», Асемай Туремуратова «Шәкірт ойы», Мариям Шопанова «Жақсылық көрсем өзімнен» өлеңін нақышына келтіріп оқып берді.

Тағылымды шара соңында кітапхана қорынан ақынның қолжазбалары мен мерзімді басылым беттерінде жарық көрген мақалалары, өмір жолынан сыр шертер кітап пен фотоматериалдардан жасақталған «Жалындап өткен жас ғұмыр» атты кітап көрмесімен таныстырды.


Қанипа ТАСБУЛАТОВА,
Гауһар ИЛЬЯСОВА,
Н.Островский атындағы
ОҚК кітапханашылары,
Қостанай қаласы

Реклама

Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать. 

"К педагогическому делу надо призывать, как к делу морскому, медицинскому или тому подобным, не тех, которые стремятся только обеспечить свою жизнь, а тех, которые чувствуют к этому делу и к науке сознательное призвание и предчувствуют в нём своё удовлетворение, понимая общую народную надобность".