Тілге құрмет – елге құрмет

Выпуск - №36 (533)   :   15.09.2022
594

Қостанай қаласындағы Достық үйінде мемлекеттік тілдің мәртебесін арттырып, халық арасында насихаттау мақсатында қазақ тілінде сөйлейтін өзге ұлт өкілдері арасында облыстық байқау өтті. Онда 7 қатысуышы бақ сынады.

«Қазақ тілі – қасиетім менің» тақырыбында өткен облыстық байқау қатысушылары – 5 аудан мен екі қаланың 16-22 жас аралығындағы жастар. Іс-шара жыл сайын дәстүрлі түрде өткізіледі және түрлі этнос өкілдері арасында мемлкеттік тілді насихаттауға бағытталған. Байқау төрт кезеңнен тұрды.

Бірінші кезең – эссе жазу. Қатысушылар 15 минут ішінде балаларға Ахмет Байтұрсынұлының 150 жылдығына орай тақырыпты ашу қажет болды. Екінші кезең – визитка. Онда қатысушылар жеке бас қасиеттерін ашуы керек еді. Мұнда балалар өздерінің өмірі, отбасы, мектебі және хоббиі туралы айтты. Үшінші кезеңде зияткерлік викторина болды, онда қатысушылар Қазақстан тарихы, тағамдары, музыкасы, мерекелері туралы білімдерін көрсетті. Нәтижесінде тапқырлық танытқан сайыскерлер әділ қазылар алқасы қойған лайықты ұпайларын жинады. Ал соңғы төртінші кезеңде әр қатысушы көрерменді шығармашылығымен таныстырды. Өлең оқып, музыкалық аспаптарда ойнап, ән айтып, би биледі.

Тартысты өткен сайыс нәтижесінде қазылар алқасының шешімімен үшінші орынды Федоров кентінің тұрғыны Мария Черненко, екінші орынды Қостанай ауданының Алтынсарин кентінің оқушысы Дария Хабибуллина жеңіп алды. Ал бас жүлдеге Арқалық қаласының тұрғыны Любовь Васецкая ие болды. Жүлдегерлер сыйлық сертификаттарымен марапатталса, қалған қатысушылар Алғыс хаттар мен заманауи сымсыз құлаққаптарға ие болды.

Жеңімпаз Любовь Васецкая Жалпы тілді үйренуі 5 жасынан басталған. Туған жері Көктал ауылында тек қазақ мектебі болғандықтан, ата-анасының шешімімен Көктал ЖББ мектебін қазақ тілінде тәмәмдаған. Әрине, бастапқыда қиын болғанын жасырмады бізбен әңгімесінде. Дегенмен, уақыт өте ұстаздарының қолдауының арқасында, сыныптастарымен қазақ тілінде сөйлесе отырып, тілді білу деңгейін әлдеқайда арттырғанын айтады. Қазіргі уақытта Любовь Ахмет Байтұсынов атындағы гимназияда бастауыш сынып мұғалімі болып қызмет істейді. Қазақ сыныбына да, орыс сыныбына да сабақ бере алатындығын айтады. Бұл – үлкен бір артықшылығы болса керек.


Жамал ШАУКЕН,
суретті түсірген автор

Реклама

Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать. 

"К педагогическому делу надо призывать, как к делу морскому, медицинскому или тому подобным, не тех, которые стремятся только обеспечить свою жизнь, а тех, которые чувствуют к этому делу и к науке сознательное призвание и предчувствуют в нём своё удовлетворение, понимая общую народную надобность".