Учительская плюс
Областная еженедельная общественная информационно-образовательная газета
Календарь
16/04/25 Среда
Қостанайда қыркүйектің 19-20 күндері алғаш рет «TURKfest.kst.2024» республикалық фестивалі өтті. Мәдени шараның бірінші күні конференция ұйымдастырылып, екінші күні «Мирас» мәдениет үйінде ерекше гала-концертпен қорытындыланды.
Онда Астана, Қостанай және Рудный қалаларынан 150-ге жуық әртіс өнерлерін ортаға салып, фестивальдің ерекше атмосферасы көрермендерді Түркі әлеміне бірден елітіп әкетті. Елордалық Е.Рахмадиев атындағы Мемлекеттік академиялық филармониясынан «Қорқыт» этноансамблі, «Astana Opera» әншісі Нематилло Зкруллаев, «Вайнах» би ансамблі, аспапшы Намазов Садиг, «Дуслык» халық ансамблі өнер көрсеткенін атап өткен жөн. Сондай-ақ, арнайы Өзбекстаннан ат терлетіп келген Ташкент опера әншісі Хурсанд Шеровтың орындауындағы Муслим Магомаевтың «Синяя вечность» әні көпшіліктің санасында әлі біразға дейін жаңғырып тұрары анық.
Велосипедпен елдерді аралап жүрген опера әншісі саяхатын дәл осы Муслим Магомаевтың құрметіне арнаған. 66 жастағы велошабандоз Ташкент-Владивосток бағыты бойынша 11 мың шақырымды жүріп өткен. Зор баритон иесі әр тұрақтаған елді мекенінде Муслим Магомаевтың әндерін шырқап, жұртшылықты ауызына қаратуда. Бұл оның танымал тұлғаға арналған алғашқы жеке велошеруі емес. Қостанай қаласына да екінші мәрте келуі. Алғаш рет, 2017 жылы, Муслим Магомаевтың 75 жылдығына орай жүріп өткен велосаяхаты аясында табан тіреген. Иә, осындай тарихи сәттің куәсі болған қостанайлықтармен бірге велошабандозды біз де әңгімеге тарттық.
– Өзбек тілінен аударғанда есімім «қуаныш» деген мағынаны береді. Ұзақ сапарымның аясында тоқтаған әр елді мекенде концерт қойып, адамдарға қуаныш сыйлауға тырыстым. Ұлы Муслим Магомаев жайлы естеліктер мен оның мәдени мұрасын насихаттап келемін, – дейді Хурсанд Шеров. – Өзімді халықтар достығының әншісімін деп есептеймін. Түркі әлемінің фестиваліне қатысқаныма қуаныштымын. Шақыртуы үшін Қостанай қаласындағы әзірбайжан диаспорасының өкілі Рафаил Гаджибалаевке алғысымды білдіремін. Халықтар достығы мәңгі жасасын!
Айтқандай, фестиваль аясында рудныйлық өнерпаздар да көрермендерді өнерлерімен қуантты: «Грация» және «Жизель» би ұжымдары, сондай-ақ вокалист Кадим Назиров келіп өнер көрсетті. Қостанайдан «Орда» және «Алтынай» би ансамблі, «Бирлик» әзірбайжан қауымдастығының белсендісі Лейла Керимова, «Indigo» хореографиялық студиясы, сондай-ақ «Айсұлтан» өнер мектебі, Анастасия Серікова, «ETHNO FASHION» сән агенттігі және «Горцы Ахыска» кавказ би ансамблі көрермендерге ұмытылмас кеш сыйлауға үлес қосты. Түркі халықтарының ән мен би әлемі осылайша әсем фестиваль аясында көрініс тапты.
«Мирас» мәдениет үйінің кіреберісінде түркі халықтарының ұлттық құндылықтары әспеттелген фотокөрме ұйымдастырылса, Қостанай облыстық тарихи-өлкетану музейі де көрме аясында қала қонақтары мен тұрғындарының назарына ұлттық киім-кешек пен ыдыс-аяқ, қолөнер бұйымдарын ұсынды. Бұның барлығы да, өз кезегінде, Қазақстан халқының достығы мен ынтымақтастығының берік белгісі болса керек. Фестиваль алдағы уақытта дәстүрлі жалғасын таппақ.
Жамал ШАУКЕН,
суретті түсірген автор
Я спросил у посла Японии, каким образом его страна сумела так быстро достичь высокой степени развития, стала играть в мире столь важную роль? Мне очень понравился ответ посла: «Японцы верили, что единственный способ поднять страну – это дать своим детям лучшее образование, чем они имели сами, самым важным для них было уйти от своего положения крестьян и получить образование. Поэтому в семьях огромные усилия прикладывались к тому, чтобы поощрять детей хорошо учиться в школе, чтобы они могли чего-то достичь. Из-за этого стремления постоянно чему-то учиться, через систему образования распространялись новые идеи из внешнего мира. Это одна из причин быстрого развития Японии».
Всевозможные разновидности книги как объекта не изменили ни её назначения, ни её синтаксиса за более чем пять веков.
Книга – как ложка, молоток, колесо или ножницы. После того, как они были изобретены, ничего лучшего уже не придумаешь. Вы не сделаете ложку лучше, чем она есть…
В XVI веке венецианскому печатнику Альду Мануцию пришла в голову великая идея сделать книгу карманного формата, которую гораздо легче возить с собой. Насколько я знаю, более эффективного способа перемещения информации так и не было изобретено. Даже компьютер со всеми его гигабайтами должен быть включен в сеть. С книгой таких проблем нет. Повторяю: книга – как колесо.
_250x150_3cd.jpg)
_250x150_5f3.jpeg)
